शोक र त्रासमा पाँचथर मिक्लाजुङका बासिन्दा

पाँचथर ७ जेठ । दुई परिवारका ९ जनाको बिभत्स हत्या भएको पाँचथरको मिक्लाजुङ शोकमा डुबेको छ । एकै पटक नौ जनाको हत्या कसले र कसरी ग¥यो भन्ने त्रास पनि फैलिएको छ । बिभिन्न स्थानबाट प्रहरी घटनास्थलमा पुगेर अनुसन्धान सुरु गरेको छ । प्रमुख जिल्ला अधिकारी मुरारी वस्तीसहितको टोली पनि घटनास्थलमा गएको छ । प्रमुख जिल्ला अधिकारीको टोलीमा सुरक्षा निकायका अधिकारी र डाक्टरहरु छन् । घटना भएका घरलाई प्रहरीले आफ्नो नियन्त्रणमा लिएको छ । हत्या भएका धनराज शेर्माको घरमा केही दिनअघि नुनमा सिसा मिसाएको घटना सार्वजनिक भएको थियो । चार दिनअघि गाउँमा तालिम दिनका लागि गएको टोली शेर्माको घरमा बसेको थियो र उनीहरुलाई बनाइएको खानामा प्रयोग गरिएको सुनमा सिसा मिसिएको भेटिएको छ । जसका कारण खाना खाएकाहरु बिरामी परेका थिए । यसैबिच भागेर ज्यान जोगाउन सफल भएकी १२ वर्षकी सीता खजुमलाई उपचारका लागि अस्पताल लगिएको छ । उनको अवस्था पनि गम्भीर रहेको बताइएको छ । सोमबार राति स्थानीय धनराज शेर्मा र उनका ससुरा बमबहादुर फियाकको परिवारका ९ जनाको धारिलो हतियार प्रहार गरि हत्या भएको हो । धनराजको परिवारका पाँचजना र बमबहादुरको परिवारका चारजनाको हत्या भएको हो । हत्या गरिएकामा ७४ वर्षीय बमबहादुर फियाक, ३६ वर्षीया जस्मिता फियाक, २६ वर्षीया मनकुमारी फियाक, ४१ वर्षीय धनराज शेर्मा, ६ वर्षीया इक्सा शेर्मा, १३ वर्षीया योवना शेर्मा, ८ वर्षीया मुना शेर्मा, बमबहादुरकी श्रीमती र १२ वर्षीया आशिका खजुम लिम्बू रहेका छन् ।पाँचथरको मिक्लाजुङ गाउँपालिका–३ आरुबोटेमा ९ जनाको ज्यान जाने गरि भएको हत्याकाण्डमा एकजनाको मात्रै संलग्नता रहेको हुन सक्ने प्रहरीको प्रारम्भिक अनुसन्धानमा देखिएको छ । त्यस्तै, घटना भएकै गाउँपालिकाको अर्को वडामा आत्महत्या गरिएका युवकको संलग्नता हत्यामा रहेको हुन सक्ने अनुमान पनि गरिएको छ । मिक्लाजुङ–७ मा एक युवकको शव झुण्डिएर आत्महत्या गरेको अवस्थामा भेटिएको छ । फोरेन्सिक रिपोर्ट नआएकाले यकिन गरेर घटनामा यति जनाकै संलग्नता थियो भन्न सक्ने अवस्था नरहेको प्रहरीले जनाएको छ । पाँचथरको मिक्लाजुङ–३, आरुबोटेमा गएराति ९ जनाको विभत्स हत्या भएको स्थानबाट केही किलोमिटर पर अर्का एक युवकको शव भेटिएको छ । मिक्लाजुङको वडा नं ८ मा मानबहादुर माखिमको शव भेटिएको हो । माखिमको शव रुखमा झुण्डिएको अवस्थामा भेटिएको हो । यद्यपि, घटनामा उनको कुनै संलग्नता थियो या थिएन भन्ने विषय चाहिँ खुलेको छैन ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…