कहाँ गए गाउँका युवा ?

अगस्ट १२ अर्थात् अन्तराष्ट्रिय युवा दिवस । संयुक्त राष्ट्रसंघले सुरुवात गरेको युवा दिवस । यो दिवस बिश्वभर शिक्षामा रुपान्तरण भन्ने मुल नाराका साथ मनाइयो । नेपालको नारा भने शिक्षामा रुपान्तरण उद्यमशिलता र नवप्रवर्तन थियो । नेपालमा युवा दिवस युवाका बिषयमा हामीले यस्तो ग¥यौं, उस्तो ग¥यौं भन्दै चर्को भाषण गरी मनाइयो । पहिलो पटक सन् २००४ देखि मनाउन थालिएको युवा दिवस मनाउने क्रम जारी नै छ । सरकारले युवाकै लागि वार्षिक ९ अर्ब बजेट विनियोजन गर्छ । तर, बिडम्बना त्यो बजेट कसरी सकिन्छ पत्तै हुदैन । नेपाल विश्वमा युवा विकासको सूचीमा ७७ औँ नम्बरमा छ । १९ दशमलव २ प्रतिशत युवा पूर्ण बेरोजगार छन् । २६ दशमलव १ प्रतिशत युवा त स्नातक पास गरी बेरोजगार बस्नुपरेको अवस्था छ । गाउँमा जानुहोस् घरमा बुढा बाआमालाई तातो पानी दिने कोही छैनन् । हलो जोत्ने युवा नभेटिएर खेती बाँझै छन् । छरछिमेकमा कोही मर्दा मलामी जाने छैनन् । सहयोग गर्ने कोही युवा भेटिदैनन् । आखिर कहाँ छन् त देशका युवा ? हामी तपाईलाई युवा भएको स्थान देखाउँछौं । पढ्न शहर छिरेका युवाहरु रोजगारको लागि आवेदन दिने ठाउँमा देखिएको भिड हेर्नुहोस् । जागिर नपाएपछि पासपोर्ट बनाउने राहादानी बिभागमा पुग्नुहोस् । त्यसको छेउमा रहेको उच्च शिक्षा अध्ययनको बहानामा ‘नो अब्जेक्सन लेटर’ लिन लागेको लाइन हेर्नुहोस् । यो बर्ष मात्रै ६३ हजार २ सय ५९ जनाले लेटर लिए । वैदेशिक रोजगार विभाग हुदै बाहिर जानेका लाइन हेर्न जानुहोस् त्रिभुवन अन्तराष्ट्रिय बिमानस्थल । जहाँबाट दैनिक १५ सय अर्थात बार्षिक ६ लाख भन्दा बढी युवा बाहिरिरहेको तथ्याङक छ । छिमेकी देश तथा अन्य देशमा गैरकानुनी रुपमा जानेको संख्या त पत्तै छैन् । यस्तो तथ्याङकले ‘युथभिजन २०२५ सहित १० वर्षको रणनीतिक योजना, राष्ट्रिय युवा नीति २०६५, २०७२ मा राष्ट्रिय युवा परिषद् ऐन ल्याइयो । तर, त्यसबारे युवा अनबिज्ञ छन् । युवा दिवसमा एक दिन चर्को भाषणले केही परिवर्तन हुदैन । ७० बर्ष पुग्दा समेत युवा नेताको उपाधि पाएजस्तो छैन । साच्चिकै युवा बेरोजगार भएर हिड्न विवश छन् । दक्ष जनशक्ती उत्पादन गरौं, स्वदेशमै परिचालन गरौं । रोजगारका अवसर जुटाऊ । गाउँ युवाबिहिन हुन नदिऔं । आजैदेखि सकरात्मक कामको सुरुवात गरौं ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…