कांग्रेसले बोलायो सर्वदलीय बैठक, संसद बिघटनपछिको अवस्थाबारे साझा धारणा बनाउने
काठमाडौं । प्रमुख प्रतिपक्षी नेपाली कांग्रेसले सर्वदलीय बैठक बोलाएको छ । पार्टी सभापति शेरबहादुर देउवाले आज अपरान्ह ४ बजेका लागि सर्वदलीय बैठक बोलाउनु भएको हो । मुख्यसचिव कृष्णप्रसाद पौडेलले अपरान्ह चार बजे पार्टी कार्यालय सानेपामा सर्वदलीय बैठक बोलाइएको जानकारी दिए ।
प्रधानमन्त्री केपी शर्मा ओलीले प्रतिनिधिसभा संसद विघटन गरी चुनावसमेत घोषणा गरेको अवस्थाबारे छलफल गर्न कांग्रेसले सर्वदलीय बैठक बोलाएको हो । बैठकका लागि नेकपा, जसपा, राप्रपालगायत दललाई बोलाइएको कांग्रेसले जनाएको छ ।
यसअघि हिजो कांग्रेस संसदीय दलको कार्यालयमा नेकपा, कांग्रेस र जनता समाजवादी पार्टीका नेताहरूले छलफल गरेका थिए । उनीहरुले ओलीको कदम असंवैधानिक र निरंकुश रहेको निष्कर्ष निकालेका छन् ।
क्याटेगोरी : देश/दुनियाँ, प्रमुख समाचार, ब्रेकिंग न्युज, राजनीति, समाचार
ट्याग : #प्रतिनिधिसभा संसद विघटन, #सर्वदलीय बैठक
तपाईको कमेन्ट लेख्नुहोस्