कांग्रेसमा फरक–फरक मत,कोही सत्ताको पक्षमा कोही बिपक्षमा

काठमाडौं । विकसीत नयाँ घटनाक्रमहरु संगै विभाजन उन्मुख अवस्थामा रहेको नेकपाका दुवै समुहहरुले कांग्रेसको समर्थन खोजीरहेको छ । तर, प्रमुख प्रतिपक्षी दलको आगामी रणनीती के हुन्छ ? भन्ने कुरा प्रष्ट भइसकेको छैन । कांग्रेसले फागुन २३ गते बस्ने प्रतिनीधी सभा बैठकमा उसले कस्तो भुमीका निर्वाह गर्दछ भन्ने कुरा पनि सर्वत्र चाँसोको विषय बनेको छ । गत निर्वाचन मार्फत पाएको भारी बहुमत सहित सत्ता संचालन गरीरहेको नेकपा भित्रको अन्र्तद्धन्द र सत्तासंर्घषले कांग्रेसलाई फेरी देशको सत्ता राजनीतीको केन्द्रमा खडा गरीदिएको छ ।

प्रधानमन्त्री केपी शर्मा ओलीको प्रतिनीधी सभा विघटन गर्ने कदम संगै अन्योल ग्रस्त बनेको मुलुकको राजनीती सर्वोच्च अदालतले संसद पुर्नस्थापनाको फैसला सुनाए पछि कांग्रेसको वरीपरी घुम्ने देखिन्छ । विभाजन उन्मुख स्थीतीमा रहेको सत्तारुढ नेकपाका दुवै समुहहरुले आगामी सत्ता समीकरणको लागी नेपाली कांग्रेसको साथ खोजिरहेका छन् । तर कांग्रेस चाँही नेकपाको कुन समुहलाई समर्थन गर्ने भन्ने विषयमा प्रष्ट साथ खुलीरहेको छैन । कांग्रेसको संस्थापन पक्ष वर्तमान सरकार प्रति अली नरम देखिन्छ, भने वरीष्ठ नेता पौडेल पक्षले आलोचना गरिरहेको छ ।

कांग्रेस भित्रको यो अवस्थाले पनी आगामी सत्ता समीकरणमा प्रभाव पार्ने देखिन्छ । ओलीसँगको सत्ता साझेदारीको पक्षमा आफुहरु नरहेको देउवाइतर नेता प्रकाशमान सिंह बताउछन् । प्रतिनीधि सभाको पुर्नस्थापना पछि पनि जती प्रष्ट स्वरमा कांग्रेस स्थापन इतर पक्षले ओलीसँगको सहकार्यलाई इन्कार गरीरहेको छ, संस्थापन पक्ष त्यती प्रष्ट छैन । कांग्रेस संस्थापन पक्षका नेताहरुको बोलीबाट उनीहरु प्रधानमन्त्री ओली संगको सत्ता सहकार्यको लागी पनि खुला रहेको आभाष हुन्छ ।

औपचारीक रुपमा विभाजीत नभएको भएपनी सत्तारुढ नेकपाका दाहाल–नेपाल पक्ष र ओली पक्षका गतीबिधीहरुलाई हेर्दा उनीहरु दुई फरक–फरक पार्टी जस्तै देखिन्छन । अहिले प्रस्तुत भईरहेका दुवै पक्षका अभिब्यक्तीले निकट भविष्यमै नेकपा एकताबद्ध भएर जाने सम्भावना पनि अत्यन्त क्षीण देखिन्छ । तसर्थ आगामी सत्ता सहयात्राका लागी सत्तारुढ नेकपाका दुवै समुहले प्रमुख प्रतिपक्षी दल नेपाली कांग्रेसमा निर्भरहुन र्निविकल्प जस्तै छ । तर कांग्रेसले को संग सहकार्य गर्छ र देशको अबको राजनीती कसरी अगाडी बढछ भन्ने कुरा भविष्यले नै देखाउने छ ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…