देउवा र गठबन्धनमाथि ओलीको आक्रोश,मिडियाप्रति गुनासो

काठमाडौं । नेकपा एमाले अध्यक्ष केपी शर्मा ओलीले संसद प्रभावकारी हुन नसकेको भन्दै ताजा जनादेशमा जान प्रस्ताव गरेका छन् । मंगलबार सञ्चारकर्मीहरुसँगको छलफलमा अध्यक्ष ओलीले संसद चल्न नसकेको र काम पनि गर्न नसकेको भन्दै ताजा जनादेशमा जानुपर्ने बताएका हुन । उनले अहिलेको गठबन्धनले नै चुनाव गराएपनि आफनो पार्टीलाई मान्य हुने बताए । राजनीतिक अकर्मण्यताको स्थितिमा ताजा जनादेशमा गएर देशलाई गतिशील बनाउनुपर्ने ओलीको भनाई थियो ।

अध्यक्ष ओलीले प्रधानमन्त्री शेरबहादुर देउवाको नेतृत्वमा रहेको गठबन्धनको सरकारले संविधान मिच्दा समेत मिडिया चुप लागेर बसेको भन्दै असन्तुष्टि व्यक्त गरे । आफनो सरकारलाई खबरदारी गरेपनि अहिलेको सरकारलाई मिडियाले आफनो सरकारलाई झैँ खबरदारी नगरेको आरोप लगाए । संविधान मिचिँदा पनि सञ्चार माध्यम चुप लागेको जस्तो देखिएको गुनासो समेत उनको थियो । पूर्वप्रधानमन्त्री ओलीले अहिले सरकारलाई खबरदारी नगरिएको आरोप लगाए ।

अध्यक्ष ओलीले आफनो पार्टी फुटाउने मनसायले नै सरकारले अध्यादेश ल्याएको आरोप लगाउँदै आपत्ति समेत जनाए । एकपटक जारी भएको अध्यादेश सूचना निकालेको भरमा फिर्ता नहुने भन्दै उनले संसद चलिरहेको बेलामा सांसदबाटै कानून बनाइनुपर्ने बताए । परमादेशबाट सरकार बन्दा केहीलाई हाइसन्चो भए पनि यसले लोकतन्त्र कमजोर पारेको ओलीको दाबी छ । उनले सरकारले बजेटमार्फत कालोधनलाई सेतो बनाउन खोजेको भन्दै आपत्ति जनाए ।

सरकारले बजेट प्रतिस्थापन विधेयकको दफा ५९ मा चिकित्सक, कलाकार, पत्रकार, खेलाडी, ईन्जिनियर, कानुन व्यवसायी, लेखा परीक्षक लेखापढी व्यवसायी, परामर्श अभिकर्ता तथा मध्यस्तकर्ता, सेवा प्रदायकलगायत प्राकृतिक व्यक्तिले पछिल्लो ३ वर्षको आयकर आगामी फागुन मसान्त भित्र बुझाएमा सो भन्दा अगाडिको आयमा लाग्ने आयकर तथा मूल्य अभिवृद्धि कर मिनाहा हुने व्यवस्था गरेको छ । एमालेले सोही व्यवस्थामा आपत्ति जनाएको हो ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…