एमालेमा निर्वार्चित अध्यक्ष सहित सबैले लिए सपथ, मंसिर २५ र २६ गते बोलाइयो केन्द्रीय कमिटीको दोस्रो बैठक

काठमाडौं । नेकपा एमालेका नवनिर्वाचित अध्यक्ष केपी शर्मा ओलीसहित पदाधिकारी तथा केन्द्रीय सदस्यले पद तथा गोपनीयताको सपथग्रहण गरेका छन् । ओलीले १० औं महाधिवेशनअन्तर्गत केन्द्रीय निर्वाचन आयोगका संयोजक विजय सुब्बाबाट सपथ लिएका हुन् । आफूले सपथग्रहण गरेपछि ओलीले नवनिर्वाचित केन्द्रीय सदस्यहरूलाई सपथ ग्रहण गराएका थिए । ३०१ निर्वाचित केन्द्रीय सदस्यहरुमध्ये भीम रावलले भने सपथ खाएनन् । उनले पार्टीको कुनै पनि कमिटीमा नबस्ने घोषणा गरेका थिए ।

सपथपछि अध्यक्ष ओलीले आफनो पार्टीलाई आन्तरिक र बाह्य हमला भइरहेको जिकिर गरे । महाधिवेशनको क्रममा विरोधीहरूले पार्टीका नेताहरूलाई उक्साएको र भड्काउन खोजे पनि सफल हुन नसकेको उनले बताए । अध्यक्ष ओलीले पार्टीलाई जोगाउँदै अझ बलियो बनाएर जनतासँग एकीकृत बनाउनुपर्ने उनले बताए । उनले अबको ३ महिनासम्म पार्टी प्रवेश अभियान चलाउने भन्दै पार्टी एकीकरणको अभियान सञ्चालन गर्ने दाबी गरे । एमालेको निर्वाचित केन्द्रीय कमिटीको पहिलो बैठक सौराहामै बसेको छ ।

सपथग्रहणपछि बैठक चिवतनको सौराहामा बसेको हो । केन्द्रीय कमिटीको अर्को बैठक मंसिर २५ र २६ गते बस्ने भएको छ । सोही बैठकबाट पोलिटब्यूरो, स्थायी कमिटी निर्माण र जिल्ला तथा प्रदेश कमिटी अधिवेशन कार्यतालिका बन्ने ओलीले बताए । मंगलबार भएको मतदानमा अध्यक्षमा केपी शर्मा ओलीसँगै अन्य पदाधिकारीमा समेत उनकै प्यानलमा रहेका नेताहरुलाई विजयी भएका थिए । अध्यक्षमा विजयी ओलीले १ हजार ८ सय ४० मत पाउँदा उनी विरुद्ध चुनाव लडेका भीम रावलले २ सय २३ मत पाए ।

उपाध्यक्षमा अष्टलक्ष्मी शाक्य, सुरेन्द्र पाण्डे, विष्णु पौडेल, सुबास नेम्बाङ, प्रदिप ज्ञवाली र रामबहादुर थापा विजयी हुँदा घनश्याम भुसाल पराजित भएका छन् । सचिवमा ओलीको रोजाइमा परेका गोकर्ण विष्ट, योगेस भट्टराई, पद्मा अर्याल, छविलाल विश्वकर्मा, लेखराज भट्ट, टोपबहादुर रायमाझी र रघुवीर महासेठले जितेका छन् । सचिवमा चुनौती दिएका भीम आचार्य र टंक कार्की भने पराजित भए । वरिष्ठ उपाध्यक्षमा ईश्वर पोखरेल, महासचिवमा शंकर पोखरेल तथा सहमहासचिवमा पृथ्वी सुब्बा गुरुङ, प्रदिप ज्ञवाली र विष्णु रिमाल यसअघि नै निर्विरोध निर्वाचित भइसकेका थिए ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…