६ बर्ष गुट चलाएका रामचन्द्र पौडेललाई आफ्नैबाट धोका, प्रकाशमान र शेखरले दिएको त्यो ठूलो चोट

काठमाडौं । कांग्रेसको १३ औं महाधिबेशनमा शेरबहादुर देउवा र रामचन्द्र पौडेलबीच सभापतिमा भिडन्त भयो । कृष्णप्रसाद सिटौला पहिलो चरणबाट बाहिरिएपछि देउवालाई नै साथ दिदै उनैसँग बार्गेनिङमा सानो गुट चलाए । तर, कांग्रेस १३ औं महाधिबेशनपछि दुई खेमा अर्थात् देउवा र पौडेल समूह भएर आ–आफना गतिविधि सञ्चालन हुँदै आए । देउवाको कामको बिरोध गर्नुमात्रै होइन पौडेल समूहले पटक–पटक सत्तामा पुग्दा होस् या नियुक्तीहरुमा पनि भागबण्डा खोजिरह्यो । शुशिल कोइरालापछि त्यो समूह चलाउने जिम्मेवारी पाएका पौडेल अन्तत् १४ औं महाधिबेशनमा आफनै पक्षका नेताहरुबाट अपहेलित हुनुपरेको छ ।

नेपाली कांग्रेसको १४ औं महाधिबेशनमा चुनावी प्रतिष्पर्धा निक्कै रोचक भिडन्त हुने देखिएको छ । लामो समय कांग्रेसमा समूह नै चलाएर बसेका रामचन्द्र पौडेललाई आफनै गुटका नेताले साथ नदिएपछि उनी बाहिरिए । तर, शेरबहादुर देउवा, शेखर कोइराला, प्रकाशमान सिंह र बिमलेन्द्र निधि सभापतिका लागि मुख्य दाबेदारका रुपमा प्रतिष्पर्धा गर्दैछन् । कांग्रेसको १४ औं महाधिबेशनले गुट फेरबदल मात्रै होइन कोइराला परिवारमा समेत भुँइचालो ल्याइदिएको छ ।

पौडेल समूहबाट राजनिति गरिरहेका नेताद्धय प्रकाशमान सिंह र डाक्टर शेखर कोइरालाका कारण पौडेल सभापतिको दौडमै सहभागि नहुने निष्कर्षमा पुगे । पटक–पटकको प्रयासमा सभापति आफै उठ्ने तयारी गरेका पौडेललाई दुई नेताले ठूलो चोट दिएका छन् । पौडेल समूह भन्ने तर, पौडेलले नै नेताहरुलाई मनाउन नसक्नु उनको कमजोरी देखिन्छ । झण्डै ६ बर्ष गुट चलाएका पौडेलको बेवास्ता गर्दै सिंह र कोइराला आफ्नै गुट बनाएर चुनावी मैदानमा उत्रिएका छन् ।

हुनत् १४ औं महाधिबेशनमा गुट मात्रै अदल बदल भएको छैन् कोइराला परिवारमै भएको असन्तुष्टी पनि सडकमै पोखिएको छ । देउवासँग पौडेलले हार्दा समेत कोइराला परिवारबाट महामन्त्रीमा जितेर कांग्रेसमा उदाएका डाक्टर शंशाक कोइराला सभापतिबाट पछि हटे । आफनै परिवारबाट सभापतिमा भिड्न लागेका दाई शेखरलाई लत्याउदै सुजता कोइराला प्रकाशमान सिंहको प्यानलमा उपसभापतिको उमेद्वार बनिन् ।

फेरि कांग्रेसको नेतृत्व कोइराला परिवारमा ल्याउनुपर्ने भन्दै निरन्तर छलफलमा जुटेका शेखर, शंशाक र सुजातामै अन्तिम समयमा फाटो आयो । देउवाको साथ दिदै पार्टीको प्रवक्ता बनेका बिश्वप्रकाश शर्मा अन्तिम समयमा आएर प्रकाशमान सिंहको महामन्त्री भएर चुनावी मैदानमा उत्रिएका छन् । गुट उपगुटमा झागिएको कांग्रेसमा शेरबहादुर देउवालाई पनि लामो समय साथ दिएका बिमलेन्द्र निधिले टक्कर दिन सभापतिमा उमेद्वार दिएका छन् ।

सभापतिमा देउवालाई टक्कर दिन युवा नेताहरु चुनावी मैदानमा उत्रिएका छन् । बिगतमा प्यानल त्यो पनि कांग्रेसको नेतृत्व हत्याउन सकभर अघि नसर्ने नेताहरु १४ औं महाधिबेशनमा भने कम्मर कसेर लागेका छन् । उनीहरुको चाहना यो पनि हुनसक्छ सभापतिमा चुनाव लड्ने जिते राम्रै नजिते पनि कांग्रेसमा गुटको राजनीति गर्न पाइन्छ । किनकि बिगतमा सभापतिको उमेद्वार बनेका नेताहरुले गुट चलाएर बार्गेनिङ गरेका दृष्टान्त प्रष्ट छन् ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…