संघीय संसदको हिउँदे अधिवेशन सुरु, पहिलो बैठकमै प्रमुख प्रतिपक्षी एमालेद्धारा अवरोध

काठमाडौं । प्रमुख प्रतिपक्षी दलका सांसदहरुको नाराबाजी र अवरोधकाबीच मंगलबार संघीय संसद अन्तर्गतको प्रतिनिधिसभामा र राष्ट्रियसभामा छ वटा अध्यादेश पेश भएका छन् । बहूप्रतिक्षित अमेरिकी सहयोग मिलेनियम च्यालेन्ज कर्पोरेसन एमसीसी संझौता भनेसरकारले संसदमा पेश गर्न सकेन । प्रमुख प्रतिपक्षी दल नेकपा एमालेका सांसदहरुको विरोधकाबीच प्रतिनिधिसभामा गृहमन्त्री बालकृष्ण खाँणका तर्फबाट कानुनमन्त्री दिलेन्द्रप्रसाद बडुले नेपाल प्रहरी र प्रदेश प्रहरीको कार्यसञ्चाालन, सुपरिवेक्षण र समन्वय पहिलो संशोधन अध्यादेश २०७८ र तेजाव तथा अन्य घातक रसायनिक पदार्थ नियमन अध्यादेशका साथै सामाजिक सुरक्षा पहिलो संशोधन अध्यादेश पेश गरेका हुन् ।

एमाले सांसदको नाराबाजीकै बीच सभामुख सापकोटाले रेल्वे अध्यादेश पेश गर्न अनुमति दिएपछि उक्त अध्यादेश पनि मन्त्री बडुले पेश गरे । त्यसैगरी कानुनमन्त्री दिलेन्द्रप्रसाद बडुले नै यौन हिंसाविरुद्ध केही ऐनलाई संशोधन गर्ने अध्यादेश २०७८ र फौजदारी कार्यविधि सम्बन्धी अध्यादेशसमेत गरी छ वटा अध्यादेश प्रतिनिधि सभामा पेश गरेका हुन् । सभामुख अग्नि सापकोटाले बैठकमा राष्ट्रपतिको बैठक आह्वान सम्बन्धी पत्र पढेर सुनाए लगत्तै एमाले सांसदहरु उठेर रोस्ट्रम घेर्दै नाराबाजी गरेका थिए ।

प्रमुख प्रतिपक्षी सांसदहरुको नाराबाजी र अवरोधले संसद चल्न नसकेको विषयमा कानुनमन्त्री दिलेन्द्रप्रसाद बडुले संसद चलाउन सरकारले प्रयाश गरिरहेको बताएका छन् । उता, संघीय संसद अन्तर्गत राष्ट्रियसभामा पनि प्रमुखप्रतिपक्षी दल नेकपाएमालेल अवरोध कायमै राखेको छ । मंगलबार बसेको राष्ट्रियसभाको बैठकमा नेकपा एमालले कारबाही गरेका सांसद्लाई सभामुखले नहटाएको विरोधमा अवरोध गर्नुपरेको राष्ट्रियसभा सदस्य खिमलाल भट्टराईको भनाइ छ । सरकारले मंगलबार बसेको संसदको बैठकमा बहूप्रतिक्षित अमेरिकी सहयोग मिलेनियम च्यालेन्ज कर्पोरेसन एमसीसी संझौता भने पेश गर्न सकेन ।

एमसीसी संझौताका विषय सत्ता साझेदार पाँच दलीय गठबन्धनभित्र अझै सहमति जुट्न सकेको छैन । उता, अमेरिकामा भने मंगलबार नै एमसीसीको बोर्ड बैठक वासिङटनडिसीस्थित मुख्यालयमा बसेको छ । यता नेपालमा पनि अमेरिकाले मंगलबारकै प्रतिनिधिसभाको बैठकमा एमसीसी सम्बन्धी संझौता संसदमा पेश गरेर अगाडि बढाउन आग्रह गरेको थियो । तर नेपालका राजनीतिक दल भने एमसीसी संझौता संसदबाट पारित गर्ने विषयमा विभाजित बनेका छन् ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…