कांग्रेसमा उदाय ४० प्रतिशत मत ल्याएर डा.शेखर कोइराला,प्रकाशमान र बिमलेन्द्र देउवासँगै बिलय

खोज पत्रिका बिहिबार, २०७८ पुस १, ०२ :५५ बजे

काठमाडौं । नेपाली कांग्रेसको १४ औं महाधिवेशनमा शेरबहादुर देउवालाई नै पार्टी सभापतिकारुपमा निरन्तरता दिए महाधिवेशन प्रतिनिधिले । १३ औं महाधिवेशन २०७२ मा देउवाले पौडेललाई पराजित गरेर सभापति भएका थिए भने यसपटक डाक्टर शेखर कोइरालालाई पराजित गरेर दोस्रो कार्यकालका लागि पार्टी सभापति भए । आखिर किन हारे त डा शेखर कोइरालाले भनेर अहिले आमचर्चाको विषय बनेको छ । डाक्टर शेखर कोइरालाले आफ्नै समूहका नेता रामचन्द्र पौडेलको समेत साथ र सहयोग पाएनन् । त्यति मात्र होइन, आफ्नै परिवारका सदस्य एक ठाउँमा बनाउँनसमेत सकेनन् ।

कोइराला परिवारबाटै शेखर सभापति उठ्दा सुजाता कोइराला प्रकाशमान सिंहको प्यानलबाट उपसभापति पदमा उम्मेदवारी दिन पुगिन् र बीपीपुत्र शशांक कोइराला कसैको पक्षमा मत नमागी मौन बसे । आफ्नै समूहबाट अलग बनेर डा कोइराला आफूभन्दा जुनियर भनेर प्रकाशमान सिंहले कोइरालाको अस्तित्व स्वीकार गरेनन् । पहिलो चरणमा शेरबहादुर देउवालाई सभापति हुन नदिएर रोक्नुपर्छ भन्ने सवै नेता दोस्रो चरणको निर्वाचनमा शेरबहादुर देउवाकै पक्षमा लाचार छाया बन्नु कोइरालाका लागि अर्को हारको कारण बन्न पुग्यो ।

कोइराला परिवारभित्रै फूट पैदा हुँदा पनि देउवालाई सहज भयो । यसअघि गिरिजाप्रसाद कोइराला लगातार तीन पटक पार्टी सभापति बनेका थिए । त्यसपछि १२ आंै महाधिवेशनमा शेरबहादुर देउवालाई सुशील कोइरालाले पराजित गरेका थिए । १३ औं महाधिवेशनबाट रामचन्द्र पौडेललाई पराजित गरेर सभापति बनेका देउवाले यसपटक कोइराला परिवारलाई पनि विभाजित बनाएर सभापति बन्न सफल भए ।

यसअघि कांग्रेसमा रहेको देउवा र पौडेल समूह अब देउवा र कोइरालाको समूहमा रुपान्तरण भएको छ । बाँकी अरु समूह देउवाकाका लाचार बनेका देखिए । आफ्नो समूहलाई एक राख्न नसक्नु र कोइराला परिवारका तीन सदस्य पनि तीन तिर फर्किदा डाक्टर शेखर कोइरालाको पराजय भएको नेपाली कांग्रेसका नेता र कार्यकर्ताको विश्लेषण छ ।