कोरोना महामारीले फेरि उग्र रुप लियो, एकैदिन २ हजार ४ सय ४४ जनामा संक्रमण

काठमाडौं । पछिल्लो एक साता यता कोरोना संक्रमितको संख्या ह्वातै बढेको छ । गत मगंलबारदेखि आजसम्म ८ हजार ३ सय १५ जना संक्रमित थपिएका छन् । एक साता अगाडिसम्म ३ सयको हाराहारीमा संक्रमित थपिने गरेका थिए । तर, आज त्यो तथ्यांकले झन्डै २ हजार ५ सयको आंकडा छोएको छ । तर, मृत्यु हुनेको संख्या मात्र एक जना भएकाले त्रसित हुनु पर्ने अवस्था नरहेको पनि देखिन्छ । एकसाता अघि मगंलबार ३ सय ९३, बुधबार ४ सय ३५, बिहिबार ५ सय ४० जना संक्रमित भेटिएका थिए ।

त्यस्तै शुक्रबार ९ सय ४६, शनिबार ९ सय ४४ जनामा कोरोना संक्रमण देखिँदा आइतबार भने संक्रमितको संख्या बढेर १ हजार १ सय ६७ पुगेको थियो । त्यो संख्या बढेर सोमबार १ हजार ४ सय ४६ जनामा संक्रमण देखियो । मंगलबार देखिएको संक्रमितको संख्याले भने कोरोना महामारीको तेस्रो लहर भयावह हुने अनुमान गर्न सकिन्छ । मगंलबार २ हजार ४ सय ४४ जनामा संक्रमण पुष्टि भएको हो ।

पछिल्लो तथ्याङ्घले कोरोना संक्रमितको संख्या तिव्र गतिले बढेको छ । मगंलबार काठमाडौं उपत्यकाका तीन जिल्लामा मात्रै १ हजार २ सय ८६ जना कोरोनाका संक्रमित थपिएका छन् । जसमा काठमाडौंमा ९ सय ८०, ललितपुरमा २ सय २१ र भक्तपुरमा ८५ जना संक्रमित थपिएका हुन । योसँगै काठमाडौंमा सक्रिय संक्रमितको संख्या ३ हजार ५ सय २१ पुगेको छ । पछिल्लो २४ घण्टामा एकजनाको मृत्यु भएको छ भने ३ सय १३ जना कोरोनाबाट संक्रमणमुक्त भएका छन् ।

मंगलबार थपिएसँगै नेपालमा कोरोना संक्रमितको कुल संख्या ९ लाख ३३ हजार ८ सय ९४ पुगेको छ । योसँगै नेपाल मृत्यु हुनेको संख्या ११ हजार ६सय ७ पुगेको छ भने ८ लाख १४ हजार ७ सय ९८ जना संक्रमणमुक्त भएका छन् । देशभर सक्रिय संक्रमितको संख्या ९ हजार ५२२ जना रहेका छन् । जसमध्ये ८ हजार ८ सय ६७ जना होम आइसोलेसनमा रहेका छन् भने ६ सय ५५ जना संस्थागत आइसोलेसनमा रहेका छन् ।

कोरोनाका बिरामीमध्ये ९३ जना आईसीयू र १९ जना भेन्टिलेटरमा उपचाररत् छन् । त्यस्तै उपत्यकाका तीनवटै जिल्ला प्रशासन कार्यालयले २५ जनाभन्दा बढी मानिस जमघट तथा भेला हुन रोक लगाएका छन् । उपत्यकाका तीन वटै प्रमुख जिल्ला अधिकारीको भर्चुअल बैठकले मंगलबार यो निर्णय गरेको हो । राजनीतिक दलका सभा–सम्मेलनसहित भिडभाडजन्य सबै गतिविधि गर्न पनि बन्देज लगाएको छ ।

माघ ७ गतेदेखि जिल्लाभित्रका सबै सार्वजनिक सेवा लिन खोप कार्डलाई अनिवार्य गरिएको छ । यस्तै प्रशासनले सार्वजनिक सवारीसाधनहरुमा तोकिएको सिट क्षमताभन्दा बढी यात्रु चढाउन नपाइने पनि निर्णय गरेको छ । उद्योग व्यवसायहरुमा समेत कार्यरत मजदुरलाई जनस्वास्थ्यका मापदण्ड अनिवार्य पालना गर्न निर्देशन दिइएको छ । यसअघि सोमबार शिक्षा मन्त्रालयले माघ १५ गतेसम्म विद्यालय बन्द गर्ने निर्देशन दिइसकेको छ । यही निर्णयलाई ललितपुर र भक्तपुरका जिल्लामा समेत लागुहुने छन् । यो आदेश मंगलबार मध्यराति १२ बजेदेखि लागू हुनेछ ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…