अर्थमन्त्री जनार्दन शर्माले भने करको दर हेरफेर गर्ने अधिकार मेरो हो

काठमाडौं । अर्थमन्त्री जनार्दन शर्माले करको दर हेरफेर गर्नु आफ्नो क्षेत्राधिकारको विषय भएको भन्दै अनावश्यक गलफक्ती नगर्न चेतावनी दिएका छन् । सोमबार राष्ट्रिय सभामा उठेका प्रश्नहरूको जवाफ दिने क्रममा अर्थमन्त्री शर्माले आफूले देशको हितमा हुने गरी करको दरमा तलमाथि गरेको दाबी गरेका हुन ।

बजेटमा आफूले लिएको सबै निर्णयको जबाफदेहिता लिन तयार रहेको उनको भनाइ छ । उनले भने, ‘अर्थमन्त्रीले करको दर घटायो, बढायो भनिएको छ । यो त अर्थमन्त्रालयले गर्ने काम नै हो । गर्नै पर्ने कुरा हो । यो घटबढ गर्दा देशलाई के भयो ? उपभोग्य सामग्रीहरूमा बढाइयो कि घटाइयो भन्ने चाहिँ छलफलको विषय हुन सक्छ ।

मैले देशको अहित हुने गरी करको दरमा परिवर्तन गरेको छैन ।’ आफूले ल्याएको बजेटले तल्लो वर्गलाई समेटेको र व्यवसायिक क्षेत्रलाई प्रोत्साहित गरेको दाबी अर्थमन्त्री शर्माले गरे । आफूले प्रतिष्ठित व्यवसायी, अर्थविद् तथा प्रबुद्ध व्यक्तिहरूसँग परामर्श गरेर बजेट बनाएको अर्थमन्त्रीले बताए । बाहिर उठेको विवादलाई लिएर आफूले राजीनामा नदिने अर्थमन्त्रीले जिकिर गरे ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…