अझै भएन माओवादी केन्द्रको पदाधिकारी चयन, प्रचण्डले मागे दुई दिनको समय

काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले बिहिबार पनि पदाधिकारी चयन गर्न सकेनन् । उनले पोलिटब्यूरो, स्थायी समिति र पदाधिकारीको नाम सार्वजनिक गर्ने बताइएको थियो । तर, प्रचण्डले पोलिटब्यूरोमा रहेका नेताहरुको नाम सार्वजनिक गरेपनि अझै स्पष्ट हुन सकेको छैन ।

केन्द्रीय कमिटी बैठकमा अध्यक्ष प्रचण्डले छिट्टै पदाधिकारी पनि टुंग्याउने जानकारी दिए । प्रचण्डले दुई चार दिनभित्रै आवश्यक होमवर्क गरेर पदाधिकारीमा रहनेको नाम टुंगो लगाउने जानकारी गराएका थिए । स्थायी समितिले पनि टुंगो पाउन सकेको छैन ।

माओवादीको केन्द्रीय समिति बैठकमा छिट्टै पदाधिकारी टुंगो लगाउन नेताहरुले नेतृत्वलाई दवाव दिएका थिए । सोही अनुसार प्रचण्डले दुई दिनसम्म नेताहरुसँग आन्तरिक छलफल पनि गरेका थिए । तर, अझै सहमति नजुटिसकेकाले यही केन्द्रीय समिति बैठकबाट पदाधिकारी टुंगो लाग्न नसकेको बताइएको छ ।

माओवादीको स्थायी कमिटी ४१ र पोलिटब्युरो १ सय ५६ सदस्यीय बनेको छ। माओवादीको केन्द्रीय समिति बैठक आइतबारदेखि सुरु भएको थियो ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…