मलेसियाको सर्बोच्च अदालतले सुनायो पूर्वप्रधानमन्त्री रजाकलाई १२ बर्ष जेल सजाय

काठमाडौं । मलेसियाका पूर्वप्रधानमन्त्री नजिब रजाक भ्रष्टाचारको अभियोग विरुद्धको अन्तिम अपीलमा असफल भएका छन । उनलाई एक मलेशिया डेभलपमेन्ट बर्हाडसँग सम्बन्धित कम्पनीबाट अर्वौ डलर हिनामिना गरेको अभियोगमा १२ वर्षको जेल सजाय सुनाइएको छ ।

मलेसियाको सर्वोच्च अदालत, संघीय अदालतले मंगलबार राज्य कोषको सहायक कम्पनी एसआरसी इन्टरनेशनलसँग जोडिएको शक्तिको दुरुपयोग, सम्पत्ति शुद्धीकरण र विश्वासको आपराधिक उल्लंघनको सातवटा मुद्दामा नजिबलाई सजाय सुनाएको हो ।

६९ वर्षीय नजिबलाई तल्लो अदालतले २०२० जुलाईमा विश्वासको आपराधिक उल्लंघन, शक्तिको दुरुपयोग र एक एमडीबीको पूर्व इकाई एसआरसी इन्टरनेशनलबाट करिब १० मिलियन डलर अवैध रूपमा प्राप्त गरेकोमा मनी लान्ड्रिङको दोषी ठहर गरेको थियो ।

उनीले पुनरावेदन दिएपछि धरौटीमा छुटेका थिए । उनलाई राजधानी क्वालालम्पुरको दक्षिणमा रहेको काजाङ जेलमा पठाइएको छ । नजिब फैसला पढेर सुनाइँदा डकमा बसेका थिए । उनकी श्रीमती रोजमाह मन्सुर र तीन छोराछोरी उनको पछाडि बसेका थिए । सुरक्षा अधिकारीहरू त्यसपछि पूर्वप्रधानमन्त्रीको वरिपरि भेला भएर जेल लगेका थिए ।

थप समाचार

कक्षा १२ को वार्षिक परीक्षा नसर्ने

म शिक्षामन्त्री बन्ने लाइनमा छैन्ः डा.अन्जान शाक्य

नेपाल आइपुगे ब्राजिलियन लेजेण्ड रोबर्टो कार्लोस

काठमाडौं आइपुगे भारतका विद्युत् मन्त्री

शिक्षामन्त्रीको राजीनामाले निम्त्याएको प्रश्न ? शिक्षकको सडकमै बास,प्रधानमन्त्रीको छैन् आस

संघीय निजामती विद्येयक पारित गर्ने अन्तिम तयारी,खोजियो प्रधानमन्त्री ओली र…