मेयर बालेन्द्र साह र अल्फाबिटा कम्प्लेक्स मालिकबीच चर्काचर्की, नक्सा ल्याएर लगाए डोजर

काठमाडौं । काठमाडौं महानगरपालिकाका मेयर बालेन्द्र साहले अवैध रुपमा बनेका घरका संरचना हटाउन आक्रामक रुपमा उत्रिएका छन । महानगरभित्रका व्यापारिक भवनमा आफैं पुगेर उनले एक्सन लिन थालेपछि सामाजिक सञ्जालमा निकै प्रशंशा भइरहेको छ । मेयर साहले शंखमुल, कोटेश्वर र वानेश्वरका विभिन्न स्थानमा रहेका भवनहरुको अनुगमन गरेर केही भवनका बेसमेन्ट खाली गर्न निर्देशन दिएका छन् ।

अल्फाबिटा कम्प्लेक्समा डोजर नै चलाएका छन । अल्फाबिटामाथि लिएको एक्सन उनको अहिलेसम्मकै ठूलो भएको बताइएको छ । विहान अल्फाबिटा आएर मापदण्डविपरीत बनेका संरचना भत्काउन अल्फा हाउसलाई कडा निर्देशन दिएका थिए । तर, अल्फाबिटाका सञ्चालकले स्वीकृति लिएर नै अस्थायी भवन बनाएको भन्दै बालेनसँग प्रतिवाद गरेका थिए ।

बालेनले सो बेला नक्सा माग्दै चर्को रुपमा बोलेका थिए । अल्फाबिटाका मालिक द्विराज शिवाकोटीले मेयर नभई डन भएको संज्ञा दिएका थिए । अल्फा हाउसले नक्सा काठमाडौं महानगरलाई नै देखाउन भनेपछि बालेन्द्र आक्रोशित बने । यद्यपी, उनले आफैं कार्यालयबाट नक्सा ल्याएर डोजरसहित अल्फा हाउसमा आए र बेसमेन्टमा बनेको अस्थाइ संरचना भत्काउन निर्देशन दिए ।

भत्काउन सुरु गर्ने बेलामा अल्फा हाउसका कर्मचारीले रोक्ने प्रयास गरेका थिए । तर, त्यो सफल भएन । महानगरले बेसमेन्ट, सेमी बेसमेन्ट र जमिन तला स्वीकृत नक्साबमोजिम सञ्चालन गर्न ३५ दिने सूचनामार्फत अनुरोध गरेको थियो । सूचनाको म्याद सकिँदासम्म पनि कसैबाट जिम्मेवारीपूर्वक पार्किङ नखुलाएपछि भदौ ६ गतेदेखि बानेश्वर क्षेत्रबाट अनधिकृत संरचना हटाउन सुरु गरेको हो ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…