रुकुम पूर्वका वाम–लोकतान्त्रिक गठबन्धनको अपिलः संविधानका उपलब्धि रक्षाका लागि मत

काठमाडौं । रुकुम पूर्वका बाम लोकतान्त्रिक गठबन्धनका उम्मेदवारले संविधानका उपलब्धि रक्षाका लागि आफनो उम्मेद्वारी भएको बताएका छन् । नेपाली कांग्रेस र नेकपा माओवादी केन्द्रका उम्मेदवारहरुले संविधानका उपलब्धिहरुको रक्षा र कार्यान्वयनका लागि आफूहरुको उम्मेदवारी भएको बताएका हुन ।

उनीहरुले संयुक्त अपिल गर्दै गठबन्धनका उम्मेदावरलाई मतदान गर्न आग्रह गरेका छन् । प्रतिनिधिसभा सदस्यका उम्मेदवार पूर्ण घर्तीले जिल्लाको एक मात्र विकल्प वाम–लोकतान्त्रिक गठबन्धन रहेको दाबी गरे । आसन्न निर्वाचनले संविधानका उपलब्धिहरूको रक्षा र कार्यान्वयनका लागि सत्ता गठबन्धन दलले नै जित्नुपर्ने बताए ।

उनले जनताको त्याग र बलिदानीबाट जारी भएको सङ्घीयता र गणतन्त्रलाई बचाउनुका साथै कार्यान्वयनका लागि वाम–लोकतान्त्रिक गठबन्धनका उम्मेदवारलाई जिताउन आवश्यक रहेको बताए । सङ्घीयतालाई बिनाश गर्नतर्फ रचिएको षडयन्त्रलाई गठबन्धनले जोगाउने भन्दै उनले रुकुम पूर्वमा पनि एक मात्र विकल्पको रुपमा वाम–लोकतान्त्रिक गठबन्धन रहेको बताए ।

गठबन्धको तर्फका प्रदेश सभा क का उम्मेदवार तेजबहादुर ओलीले गणतन्त्रको रक्षा गर्दै समुदाय, वर्ग र लिङ्गको उत्थानका लागि आफू उम्मेदवार बनेको बताए । प्रदेश नम्बर २ गठबन्धन दलका उम्मेदवार धनबहादुर केसीले पनि जिल्लाको समग्र विकास अवस्थालाई ध्यानमा राख्दै वाम–लोकतान्त्रिक गठबन्धन चुनाबी मैदानमा होमिएको बताए । नेपाली कांग्रेसको उम्मेदवार समेत रहेका केसीले प्रतिगमन शक्तिलाई पराजित गर्नका लागि वाम–लोकतान्त्रिक गठबन्धनको आवश्यक भएको दाबी गरे ।

थप समाचार

कक्षा १२ को वार्षिक परीक्षा नसर्ने

म शिक्षामन्त्री बन्ने लाइनमा छैन्ः डा.अन्जान शाक्य

नेपाल आइपुगे ब्राजिलियन लेजेण्ड रोबर्टो कार्लोस

काठमाडौं आइपुगे भारतका विद्युत् मन्त्री

शिक्षामन्त्रीको राजीनामाले निम्त्याएको प्रश्न ? शिक्षकको सडकमै बास,प्रधानमन्त्रीको छैन् आस

संघीय निजामती विद्येयक पारित गर्ने अन्तिम तयारी,खोजियो प्रधानमन्त्री ओली र…