चुनावमा होमिँदै गर्दा प्रमुख दलहरु आँफू अग्रगमन र अरु प्रतिगमनकारी भएको आरोप लगाउदै

काठमाडौं । विगत दुईवर्षदेखी नेपाली राजनीतिमा बहस र चर्चा बनिरहेको छ अग्रगमन अनि प्रतिगमन । कांग्रेस, माओवादी केन्द्र, एकिकृत समाजवादीले गठबन्धन गरेको एउटा कित्ताले आफूलाई अग्रगामी र राष्ट्रवादी शक्तिका रुपमा उभ्याउन खोज्दा, एमाले अध्यक्ष ओली समेत यस्तै प्रतिस्पर्धामा खप्पिस देखिएका छन् । चुनावमय बन्दै गरेको नेपाली राजनीतिमा यतिबेला पनि चर्चा र बहस बनिरहेको छ, प्रगिमन र अग्रगमन ।

संविधान, लोकतन्त्र र सङ्घीय लोकतान्त्रिक गणतन्त्रको रक्षाका खातिर गठन भएको वाम लोकतान्त्रिक गठबन्धन अर्थात नेपाली कांग्रेस, नेकपा माओवादी केन्द्र, नेकपा एकिकृत समाजवादी र राष्ट्रिय जनमोर्चाको एउटा घटकले आफूलाई अग्रगामी अनि राष्ट्रवादी राजनीतिक धारको रुपमा जबर्जस्त उभ्याउन खोजिरहेको छ । तत्कालिन नेकपा एवंम एमाले अध्यक्ष केपी शर्मा ओलीले दुईदुईपटक गरेको संसद विघटनलाई यो गठबन्धनले लामो संघर्षले ल्याएको लोकतन्त्रिक उपलब्धि मास्ने षड्यन्त्र भन्दैआएको छ ।

अहिले पनि सत्ता गठबन्धनका रुपमा एकताबद्ध भएका गठबन्धन दलका नेता देशभित्रको आन्तरिक राजनीतिक किचलो वा बाह्य हस्तक्षप के कसरी को बाट प्रगिगमनको खतरा छ, प्रतिगमन के हो ? खुलाउन सकिरहेका छैनन । रपनि चुनावी अभियानमा परिवर्तन र जनताले जित्ने कि प्रतिगमन र जनविरोधीले जित्ने भन्ने घमसान लडाई जारी रहेको भाषण गरिरहेकै छन् । उनीहरु त भनिरहेका छन्, प्रतिगमनको खतरा अझै पनि कायमै छ ।

वाम लोकतान्त्रिक गठबन्धनका रुपमा दरिएका दल र नेताहरुले परिवर्तनको पक्षमा तथा संविधान र सङ्घीय लोकतान्त्रिक गणतन्त्रको रक्षाका लागि आफूहरुको गठबन्धन बाध्यकारी भएको दाबी गर्दैगर्दा एमाले अध्यक्ष ओली नेतृत्वको अर्को गठबन्धन कांग्रेस, माओवादी केन्द्र र एकिकृत समाजवादीलाई सत्तालोलुप र स्वार्थको राजनीतिक समूहको संज्ञा दिइरहेको छ ।

ओलीले त दुई दुई पटक प्रतिनिधिसभा विघटन गर्नु आफ्नो बाध्यात्मक परिस्थिति भएको दाबी गर्दै नेपालको अग्रगतिका लागि अस्थिरता, अव्यवस्था र शक्ति केन्द्रहरूको चलखेल सधैंभरि मुख्य बाधकका रूपमा रहँदै बताउँदैआएका छन् । प्रचण्ड र माधवकुमार नेपाललाई संकेत गर्दै सुरुमा सरकार बन्नै नदिने र सरकार गठन भएलगत्तै यसलाई असफल बनाउने प्रयास सुरु गरिएको, यस्तो चलखेलमा अवसरवादी, अराजक र अपवित्र पात्रहरू प्रयोग गरिएको जिकिर गरिरहेका छन् ।

ओलीले आफूलाई विकासवादी, राष्ट्रवादी र अग्रगामी व्यक्तिका रुपमा उभ्याउन खोजेका मात्रै छैनन सत्तास्वार्थबाट एकताबद्ध भएका दलहरुलाई प्रतिगामी र अराजकको संज्ञा दिइरहेका छन् । कांग्रेस सभापति देउवा, माओवादी केन्द्रका अध्यक्ष प्रचण्ड, एकिकृत समाजवादीका अध्यक्ष नेपालले आफूलाई अग्रगामी राष्ट्रवादी देखाउने प्रयास गर्दैगर्दा एमाले अध्यक्ष ओली पनि उस्तै प्रतिस्पर्धामा छन् । नेपाली राजनीतिमा चर्चा र बहसमा आएको अग्रगमन अनि प्रतिगमन के हो ? यसका मतियार को—को हुन ? नेताहरुका गफले जनता आफै रनभुल्लमा छन् ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…