सडकका खाल्डा एक महिनाभित्र पुर्न भौतिक तथा पूर्वाधारमन्त्री श्रेष्ठको निर्देशन

खोज पत्रिका बुधबार, २०७९ पुस २०, ०३ :१२ बजे

काठमाडौं । उपप्रधान, भौतिक पूर्वाधार तथा यातायात मन्त्री नारायणकाजी श्रेष्ठले सडकको खाल्डोहरु पुर्न निर्देशन दिएका छन् । उनले उपत्यकाभित्र १५ दिन र उपत्यका बाहिरको १ महिना भित्र सम्पन्न गर्न निर्देशन दिएका हुन ।

मन्त्रालयमा आयोजित सडक विभागको ब्रिफिङ्गमा श्रेष्ठले निर्धारित समयमा गुणस्तरीय पूर्वाधार निर्माण गर्नुको विकल्प नभएको बताए । यसको लागि राजनीतिज्ञ र कर्मचारीले शुसासन कायम गर्न आत्माआलोचना सहित शून्य सहनशीलताको नीति अवलम्बन गर्न अपरिहार्य रहेकोमा मन्त्री श्रेष्ठले जोड दिए ।

सडक बिभाग मातहतको सम्पूर्ण आयोजना र अवस्थितिको ब्रिफिंङ गरिएको थियो । जागिरे मानसिकताबाट माथि उठेर विकास निर्माणमा जिम्मेवार हुन कर्मचारीले आफूलाई रुपान्तरण गर्न जरुरी रहेको बताउँदै मन्त्री श्रेष्ठले सञ्चालित सम्पूर्ण आयोजनाको अवस्था र भावी योजना ५ दिनभित्र पेश गर्न निर्देशन दिएका छन् ।

क्याटेगोरी : जनगुनासो, देश/दुनियाँ, प्रमुख समाचार, राजनीति, समाचार
ट्याग : #नारायणकाजी श्रेष्ठ