बेलारुसका नयाँ विदेशमन्त्री र भारतीय राजदूतबीच एससीओ अध्यक्षताबारे छलफल

काठमाडौं । बेलारुसका लागि भारतीय राजदूत आलोक रञ्जन झाले बेलारुसका नयाँ विदेशमन्त्री सर्गेई अलेनिकसँग भेटवार्ता गरेका छन् । भेटवार्तामा भारतीय राजदुतले भारतले अध्यक्षता गरिरहेको सांघाई सहयोग संगठन (एससीओ) को बारेमा छलफल गरेका छन् ।

दुई बीच भएको भेटवार्तामा बेलारूसी—भारत सम्बन्धका सामयिक मुद्दाहरू, साथै सांघाई सहयोग संगठनको ढाँचाको बारेमा छलफल भएको बेलारुसको विदेश मन्त्रालयले एक विज्ञप्तिमा जारी गर्दै उल्लेख गरेको छ । दुवै पक्षले बेलारुस र भारतबीच विभिन्न तहमा सहयोग प्रगाढ बनाउन आपसी चासोको पुष्टि गरेका छन्।

भारतले सेप्टेम्बर २०२३ सम्म यस संगठनको अध्यक्षता गर्नेछ । यसअघि नोभेम्बरमा साङ्घाई सहयोग संगठनका सदस्य राष्ट्रहरूका सरकार प्रमुखहरूको परिषद्को २१ औँ बैठक भिडियो कन्फरेन्स मार्फत सम्पन्न भएको थियो। सदस्य राष्ट्रहरूका प्रमुखहरूले विश्व र क्षेत्रीय विकासका प्रमुख मुद्दाहरूमा आफ्नो विचार आदान–प्रदान गरेका थिए ।

सो बैठकमा एससीओ सदस्य राष्ट्र भित्र व्यापार, आर्थिक, सांस्कृतिक र मानवीय सहयोगलाई सुदृढ गर्न प्राथमिकताका उपायहरूबारे छलफल भएको थियो । यसको साथै उक्त बैठकमा सदस्य राष्ट्रका प्रमुखहरूले २०२२–२०२३ का लागि गणतन्त्र भारतको अध्यक्षताको लागि आफ्नो समर्थन व्यक्त गरेका छन् । प्रतिनिधिमण्डलका प्रमुखहरूले आज विश्व द्रुत विकास र व्यापक परिवर्तनको नयाँ युगमा प्रवेश गरिरहेको बताएका थिए।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…