पाकिस्तान सरकारको ऋण जनवरी २०२३ मा पाकिस्तानी रुपैयाँ ४ खर्बले बढ्यो

इस्लामाबाद । पाकिस्तान सरकारको ऋण जनवरी २०२३ मा ४ खर्ब पाकिस्तानी रुपैयाँ वा लगभग ७.७ प्रतिशतले बढेर ५५ खर्ब पाकिस्तानी रुपैयाँ नजिक पुगेको स्टेट बैंक अफ पाकिस्तान (एसबीपी) को तथ्याङ्कले देखाएको पाकिस्तानको स्थानीय पत्रिका डन अखबारले समाचार लेखेको छ ।

जनवरी २०२२ मा यो संख्या ४२.३९ खर्ब थियो, जसको मतलब यो गत वर्षको तुलनामा ३० प्रतिशतले बढेको छ। यसैबीच, जनवरीको अन्त्यसम्ममा घरेलु ऋण ३४.३ खर्ब रुपैयाँ पुगेको छ, जुन एक महिना अघिको तुलनामा ३.४ प्रतिशतले बढी र अघिल्लो वर्षको तुलनामा २५ प्रतिशतले बढी हो ।

एक महिनामा १५.७ प्रतिशत र एक वर्षमा ३८ प्रतिशतले वृद्धि भएको विदेशी ऋण २०.६९ अर्ब पुगेको डनले उल्लेख गरेको छ । केही वर्ष यता पाकिस्तान ऋणमा धेरै निर्भर छ। एसबीपी को तथ्याङ्कले चालू आर्थिक वर्षको पहिलो सात महिना (जुलाई देखि जनवरी) को अवधिमा केन्द्रीय सरकारको घरेलु ऋण ३.२१८ अर्ब पाकिस्तानी रुपैयाँ ले बढेको देखाउँछ, जुन १०.४ प्रतिशतले बढेको छ।

एसबीपीको नीतिगत ब्याजदरमा हालै ३०० आधार बिन्दुको वृद्धिले विकास र अन्य आधारभूत आवश्यकताहरूमा सरकारको खर्च गर्ने क्षमतामा पनि असर पार्नेछ। केन्द्रीय सरकारको बाह्य ऋण जनवरी २०२३ सम्मको अवधिमा ३८ प्रतिशतले बढेको छ। चालु आर्थिक वर्षको जनवरीसम्ममा वैदेशिक ऋण २३ दशमलव ५ प्रतिशत अर्थात् रु ३ अर्ब ९३९ करोडले बढेको डनले जनाएको छ ।

रुपैयाको अवमूल्यनका कारण बाह्य ऋण निकै उच्च गतिमा बढेको छ र आगामी महिनामा उल्लेख्य रुपमा बढ्ने प्रक्षेपण गरिएकोछ । सरकारले गत महिना विनिमय दरलाई अनक्याप गरेपछि डलरको भाउ करिब २० प्रतिशतले बढेको हो, जसको अर्थ सरकारले बाह्य ऋण सेवाका लागि यो थप रकमको व्यवस्था गर्नुपर्नेछ।

यस्तै, आर्थिक वर्षको पहिलो अर्धवार्षिकमा पाकिस्तानले बाह्य ऋण सेवामा १०.२१ अर्ब भुक्तान गरेको थियो भने गत वर्षको सोही अवधिमा पाकिस्तानले देशले ६ खर्ब भुक्तान गरेको स्टेट बैंक अफ पाकिस्तानको तथ्याङ्कले देखाएको छ। (एएनआई)

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…