अफगान अधिकारीहरू पर्वान प्रान्तमा भूमिगत पानीको स्तर घटेकोमा चिन्तित

एजेन्सी, काबुल । अफगानिस्तानको परवानका अधिकारीहरूले विगत पाँच वर्षमा भूमिगत पानीको स्तर १५ मिटरले तल पुगेकेो बताएका छन् । यदि अत्यधिक पानीको खपतलाई रोक्न सकिएन भने केन्द्रीय प्रान्तले पानीको अभावको सामना गर्नेछ, टोलो न्यूजले लेखेको छ।

परवान खानेपानी विभागले समस्या समाधानका लागि उचित योजना बनाउनुपर्नेमा जोड दिएको छ । विभागका प्रमुख मुजिब रहमान हबिबीले पाँच वर्षअघिको तुलनामा जमिनमुनिको पानीको स्तर १५ मिटरले घटेको छ। अहिलेको पानीलाई हामीले जसरी प्रयोग गर्‍यौं त्यसरी नै जमिनमुनिको पानीको स्तर २० मिटरले घट्छ र यो परवानवासीका लागि ठूलो चुनौती हुने बताए ।

परवानका बासिन्दाहरूका अनुसार जमिनमुनिको पानी घट्नुको मुख्य कारण अव्यवस्थित रुपमा इनार खन्नु हो । उनीहरूले इस्लामिक इमिरेट्सलाई यस मुद्दालाई सम्बोधन गर्न राम्रो योजना बनाउन आग्रह गरे। ‘हामी इस्लामिक इमिरेट्सलाई प्रभावकारी योजना बनाउन र परवानका बासिन्दाहरूले सामना गर्ने समस्यालाई सम्बोधन गर्न आह्वान गर्छौं,’ परवानका गुलाम सरवरले भने। ‘विगत १० वर्षमा खनेका इनारहरू सुकेका छन्। यो चिन्ताजनक कुरा हो,’ परवानका अर्का बासिन्दा नजिबुल्लाहले भने।

विश्लेषकहरूका अनुसार देशका विभिन्न भागहरूमा प्राकृतिक पानीलाई नियन्त्रण गर्न भण्डारहरू सिर्जना गर्नु अफगानिस्तानमा पानीको संकटलाई रोक्नको लागि सबैभन्दा प्रभावकारी समाधान हो।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…