संसदको रोष्ट्रममा पटक–पटक किन गित गुनगुनाउछन् माधवकुमार नेपाल ?

खोज पत्रिका शुक्रबार, २०८० कार्तिक १७, ०३ :२६ बजे

काठमाडौं । नेकपा एकीकृत समाजवादीका अध्यक्ष माधवकुमार नेपाल कहिले काँही संसदमा देशभक्तीपूर्ण गित गुनगुनाउने गरेका छन् । २०७४ मा गित गुनगुनाउँदा सत्ताको बागडोर सम्हालेका केपी शर्मा ओली नै रिसाएर पाटीमा हलचल मच्चियो । त्यसपछि गित गुनगुनाउने क्रम केही रोकिदा फेरि विहिबार संसदमा राष्ट्रप्रति ओतप्रोत गित नै सुनाए । तर, गितका टुक्का सुनाउदा दलहरु र आफै देशका लागि केही किन गर्दैनन् ।

२०७४ फागुन २२ गते नेकपा एमालेमा रहँदा पूर्वप्रधानमन्त्री माधवकुमार नेपालले संसदको रोष्टमबाटै एउटा गित गाए । मेरो देश डुब्न लाग्यो किनार लगाइदेऊ, सपूत छौ कि कोई माझी बचाइदेऊ’ । यहि नेपालको गितले सत्ताको बागडोर सम्हालेको एमालेमा खैलाबैला नै मच्चियो । भर्खरै सत्ताको नेतृत्व गरेका केपी शर्मा ओलीलाई नै झटारो हानिएको यो गितले ओलीको चित्त साह्रै दुख्यो । तर, देश नै डुब्न लाग्यो भन्दै भन्दै गरिएको ब्यङ्ग्यले पाटीमा ठूलै हलचल नै मच्चाएको थियो ।

यतिबेला माधवकुमार नेपाल एमाले अध्यक्ष ओलीसँगको टकरावका कारण नेकपा एकीकृत समाजवादी पाटी खोलेर नेतृत्व गरिरहेका छन् । नेपालले सत्ता गठबन्धनमा रहेर आफ्ना नेताहरुलाई मन्त्रीमा पनि पठाएका छन् । उनै माधव नेपालले विहिबार पनि प्रतिनिधिसभाको बैठकमा अर्को गितको भाका सुनाएका छन् ।

‘छाडेर काम सारा एक काम रोजिरहेको छु, यो देशमा म एउटा मानिस खोजिरहेको छु भन्ने गीत सम्झिए । उनले यो गीत सम्झेर कसैलाई पनि घोचपेच नगरेको प्रष्टीकरण पनि छिट्टै दिए । अध्यक्ष नेपालले फरक प्रसंगमा अर्को गीत पनि सम्झिएका थिए । उनले ‘यो नेपाली शिर उचाली संसारमा लम्किन्छ जुनकिरी झैँ ज्योती बाली अन्धकारमा चम्किन्छ’ भन्ने गीत पनि सम्झिए ।

माधव नेपालले गीतले भनेजस्तै नेपालीले अनेक चुनौती सामना गरी विजय पनि प्राप्त गरेको भन्दै निराश हुनुपर्ने कारण नरहेको बताए । उनले नेपालमा केही पनि छैन, केही भएन, सबै सक्कियो भन्ने भाष्य निर्माण गरिएको भन्दै त्यो गलत भएको बताएका थिए । उनले नेकपा एमालेलाई लक्षित गर्दै सत्ताबाट बाहिर हुँदाको पीडा सदन अवरोध गरेर मात्रै नहुने बताए ।

सरकारले गरेको राम्रो कामलाई राम्रो भन्न सक्नुपर्ने बताए । संसदमा गाएको गितले सत्तामा बस्ने र नबस्ने नेताहरुलाई छुनुपर्ने हो । उनै गित गुनगुनाउने माधव नेपाललाई पनि गितले भनेजस्तै काम गर्ने र नेताहरुलाई निर्देशन दिनुपर्ने हो । तर, संसदमा गाएको गित रोष्टमबाट बाहिरिएपछि विर्सनु नै अच्चम हो ।