१५ दिन थपेर जेठ २० गतेसम्म पुर्याइयो लकडाउन

खोज पत्रिका सोमवार, २०७७ जेष्ठ ५, ०२ :३२ बजे

काठमाडौं ४ जेठ । सरकारले लकडाउन थपेको छ । १५ दिन लकडाउन थपेर जेठ २० गतेसम्म पुर्याएको हो । आइतबार बसेको मन्त्रिपरिषद् बैठकले दैनिक कोरोना संक्रमित थपिदै गएपछि थप जोखिम कम गर्न लकडाउन थपिएको हो । यसअघि कायम गरेको लकडाउनको अवधि सोमबार मध्यरातदेखि सकिन लागेको थियो । नेपालमा कोरोनाको जोखिम न्यूनीकरणका लागि भन्दै चैत ११ गतेदेखि निरन्तर लकडाउन जारी छ । तर, २ जना संक्रमित हुँदा थपिएको लकडाउन आइबारसम्म २ सय ९५ जनामा कोरोनाको संक्रमण पुष्टि भएको छ भने कोरोनाकै कारण २ जनाको मृत्यु भइसकेको छ । बिभिन्न जिल्लामा अझै परिक्षण जारी रहेकोले थप बढ्न सक्ने देखिन्छ । ३६ जना उपचारपछि निको भएर घर फर्किएका छन् । पछिल्लो चरण काठमाडौंमा लकडाउन फितलो हुँदा कोरोना संक्रमित पनि बढिरहेका छन् । काठमाडौं उपत्यकामा कोरोना संक्रमित बढ्दै जाँदा थप जोखिम बढेको छ । भक्तपुर काठमाडौं र ललितपुरका प्रमुख जिल्ला अधिकारीले समेत लकडाउन कडा बनाउन निर्देशन दिन गृहमन्त्रीसँग आग्रह गरेका थिए ।

क्याटेगोरी : प्रमुख समाचार, ब्रेकिंग न्युज, राजनीति, समाचार
ट्याग : #लकडाउन’