कोरोनाले निम्त्याएको एउटा बिभेद, हवाई मार्ग र पैदल यात्रुलाई ब्यवहार नै फरक

काठमाडौं । भनिन्छ हरेक नागरिक शासकका लागि बराबर हुन्छन्, चाहे गरिब हुन वा धनी । तर विदेशमा होइन, हाम्रै देशमा नागरिकलाई बर्ग विभाजन गरेजसरी बिभेद गरिदैछ । कोरोनाको महामारीसँगै देश लकडाउन छ । अनि विदेशमा अलपत्र परेका नागरिकहरु स्वदेश फर्किरहेका छन् । उनीहरु भन्दैछन्, जे जस्तो दुख कस्ट सहनु परेपनि आफ्नै देशमा भोग्न चाहान्छौँ । तर, आफ्नै नागरिकको हारगुहारलाई सुन्न र समस्याको समाधानमा गम्भिर बन्न नसकेको सरकार कोरोना रोकथाम तथा उपचारमा सेमत कमजोर देखिएको छ । सबै नागरिकमाथी समानताको ब्यावहार गर्न समेत सरकारले सकेको छैन । छिमेकी राष्ट्र भारत हुँदै स्वदेश फर्किएका र हवाई उडान मार्फत देश फर्किएका नेपालीहरु माथी आफ्नै देशको सरकारले फरक फरक ब्यवहार गर्यो ।

कहिँ हिड्दै त कहिँ गाडीबाट निक्कै धेरै कष्ट सहेर स्वदेश फर्किएकाहरुको उद्धार यस्तो भद्रगोल । आउनेक्रममा प्रहरीको लठ्ठि चार्ज सहनुपर्ने । बल्लतल्ल स्वदेश भित्रियो बस्ने क्वारेन्टाइन र खाने बस्ने व्यवस्था नै भद्रगोल दृश्यले आफै देखाइरहेको छ, सरकार आफ्नै नागरिकको समस्यामा गम्भिर छैन । खुल्ला आकासमा बस्नुपर्ने छाप्रोमा सुत्नुपर्ने । भारतहुँदै नेपाल भीत्रिएका नागरिकलाई त लठ्ठी नै बर्साएको देखियो ।

पहिलो कुरा नेपाल प्रवेशमै समस्या, बल्लतल्ल आउन पाउँछन्, क्वारेन्टाइनबाटै कोरोना सर्ने खतरा । बस्ने र खाने कुनै ठेगान छैन । भारतहुँदै नेपाल भित्रिएका अधिकांश नागरिक यो पीडाबाट गुज्रिएका छन् । यता, भारत बाहेकका देशबाट नेपाल आउने नागरिक भने सरकारको मेजमानीमा छन् । कोरोनाको कहर सुरु भएसँगै चीनबाट विद्यार्थीहरुको उद्धार भयो । उनीहरुलाई सुरक्षित तरिकाले भक्तपुरको खरिपाटीस्थित व्यवस्थित क्वारेन्टाइनमा राखेर सम्मानपूर्वक विधाई गर्दै घर पठाइयो ।

यतिमा मात्रै सिमित भएन सरकारले आफ्नै नागरिकमाथी गरेको विभेद । म्यानमार, युएई मलेसिया, खाँडी अस्टेलिया लगायतका देशबाट प्लेन चढेर स्वदेश फर्किने क्रम सुरुवात भएसँगै अर्को बिभेदको झल्को देखिन थाल्यो । प्लेन चढेर विमानस्थल झरेकाहरु नेपाली सेनाको स्केटिङमा व्यवस्थित र सुविधायुक्त होल्डिङ सेन्टरमा पुर्याइए । यसरी आउनेलाई क्वारेन्टाइनमा बस्न, होटल क्वारेन्टाइनको सुविधा । होला समस्यामा पर्यौँ भन्दै प्लेन चढेर नेपाल आउनेले पैसा खर्च गरे होलान्, उनीहरुले भारतबाट आउनेभन्दा टन्न कमाएपनि होलान् । तर, संकटको बेला राज्यले पैसा हुने वा नहुनेका नाममा, खर्च ब्यहोर्ने वा ब्यहोर्न नसक्ने नागरिककका नाममा कित्ताकाट गरेको व्यवहार भने असैह्य छ ।

सरकार कोरोना नियन्त्रण उपचार, क्वारेन्टाइन निर्माण र राहत वितरणमा ९ अर्ब ८७ करोड रुपैयाँ खर्च गरेको दाबी गरिरहेको छ । तर कोरोना रोकथाम त परको कुरा भारतहुँदै नेपाल आएर क्वारेन्टाइन र आइसोलेसनमा बसेकाहरुको बिजोक अवस्थाले देखाउँछ । सरकार आफ्ना नागरिकको जीउ धनको रक्षमा गम्भिर होइन्, बेमतलबी देखिएको छ भन्ने ।

संघीय सरकारले तेश्रो मुलुकका नेपालीको उद्धारका नाममा आफ्नै जनतामाथी चरम बिभेद र अन्याय गदैगर्दा अधिकांश प्रदेश यतिबेला कोरोना रोकथाममा असफल बनेका छन् । प्रभावकारी योजना र जोखिमको आँकलनमै चुकेको केन्द्र सरकार मात्रै होइन, प्रदेश र हरेक स्थानीय तहले भारतबाट आएका र तेश्रो मुलुकबाट आएका आफ्नै नागरिकमाथी विभेद गरेका दृश्यहरुले कम्युनिष्टको समानताको नारालाई फगतको गफ जस्तै बनाइदिएको छ ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…