गण्डकी प्रदेशमा थप १८ जनामा कोरोना पोजेटिभ,प्रदेशमा कुल संक्रमित संख्या २२३

खोज पत्रिका मङ्लबार, २०७७ असार २, १४ :०० बजे

काठमाडौं । गण्डकी प्रदेशमा मंगलबार बिहान थप १८ जनामा कोरोनाभाइरसको संक्रमण पुष्टि भएको छ । योसँगै गण्डकी प्रदेशमा कुल संक्रमित संख्या २ सय २३ पुगेको छ । संक्रमितहरु सबै भारतबाट आएर क्वारेन्टाइनमा बस्दैआएका थिए ।

गोरखामा १०, स्याङ्जामा ४, नवलपरासी बर्दघाट सुस्ता पूर्व २, कास्की १ र बागलुङ १ सहित १८ जनामा कोरोना संक्रमण देखिएको हो । तीमध्ये गोरखा नगरपालिकाकी ३१ वर्षीया महिला छन् । अरु सबै १७ जना पुरुष छन् । गोरखामा भेटिएकामध्ये गोरखा नगरपालिकाका वर्ष २१, २५, २९, ३२, २६, ३५ र ५३ वर्ष उमेर समूहका छन् भने बारपाक सुलिकोट गाउँपालिकाका वर्ष २५ र ५३ का पुरुष छन् ।

स्याङ्जा चापाकोट नगरपालिकाका वर्ष १८ का २ जनासहित वर्ष ३५ र ३९ जना पुरुष छन् ।नवलपरासी बर्दाघाट सुस्ता पूर्व को विनयत्रिवेणी गाउँपालिकाका वर्ष १८, कास्कीको पोखरा महानगरपालिकाका वर्ष २१ र बागलुङको ताराखोला गाउँपालिकाका वर्ष ३४ का पुरुषमा संक्रमण भेटिएको हो ।