एकैदिन निको भए २ हजार २ सय ८७ जना कोरोना संक्रमित

काठमाडौं । मंगलबार एकैदिन २ हजार २ सय ८७ जना देशभरका विभिन्न अस्पतालबाट डिस्चार्ज भएका छन् । एकैदिन डिस्चार्ज भएको यो संख्या अहिलेसम्मकै धेरै हो । हालसम्म कूल ३२ हजार ९ सय ६४ जना डिस्चार्ज भएका छन् । डिस्चार्ज हुने दर ६८ दशमलव ५ प्रतिशत हो । त्यस्तै, पछिल्लो २४ घण्टामा ९ सय २ जना कोरोना संक्रमित थपिएका छन् । काठमाडौँमा ३ सय, ललितपुरमा ३८ र भक्तपुरमा ५८ जना सहित थप ९ सय २ जना कोरोना संक्रमित थपिएका हुन् । यो सगै नेपालमा हालसम्म कुल संक्रमितको संख्या ४८ हजार १ सय ३८ पुगेको छ । त्यस्तै, पछिल्लो २४ घण्टामा थप ६ जनाको कोरोनाबाट मृत्यु भएको छ । यससँगै मृतकको कुल संख्या ३ सय ६ पुगेको छ ।

मन्त्रालयका प्रवक्ता डा जागेश्वर गौतमले उपत्यका लगायत देशका विभिन्न जिल्लाहरुमा कोरोना संक्रमणदर अझ पनि नघटेकोले सचेत भई सावधानी अपनाउन सबैलाई आग्रह गरेका छन् । नेपालमा कोरोना भाइरस संक्रमणको बारेमा अफवाह फैलाउने व्यतिmहरुलाई कानुनी कारबाहीको प्रक्रिया समेत अगाडि बढाएको मन्त्रालयले जनाएको छ । कोरोना संक्रमणबाट दिर्घरोगी बालवालिकालाई मात्र प्रभाव पर्दछ भन्ने जस्ता गलत धारणका कारण संक्रमण फैलिएको हुदा सबै वर्गले स्वास्थ्यको मापदण्ड पालना गर्न र गराउन मन्त्रालयले आग्रह गरेको छ । हाल ५०० बढी संक्रमित रहेको जिल्लामा मोरङ, सुनसरी, धनुषा, सर्लाही, काठमाडौं, ललितपुर, चितवन र रुपन्देही छन् ।

यस्तै ताप्लेजुङ, मनाङ, मुस्ताङ, डोल्पा, मुगु र हुम्लामा संक्रमित शून्य रहेको छ । यसैगरी देशभर सक्रिय संक्रमितको संख्या १४ हजार ८ सय ६८ रहेको छ । संस्थागत आइसोलेशनमा ८ हजार ५३ रहेका छन् भने होम आइसोलेशनमा ६ हजार ८ सय १५ जना रहेका छन् । पछिल्लो २४ घण्टामा १० हजार ६ सय ११ जनाको पीसीआर परीक्षण गरिएको थियो ।
कांग्रेस महामन्त्री कोइरालालाई कोरोना
नेपाली कांग्रेसका महामन्त्री डाक्टर शशांक कोइरालालाई कोरोना संक्रमण पुष्टि भएको छ । मंगलबार नै स्वाब दिएका कोइरालाको रिपोर्ट पोजेटिभ आएको उनको सचिवालयले जनाएको छ । कोरोना संक्रमण भए पनि कोइरालामा कुनै लक्षण देखिएको छैन । उनको स्वास्थ्य अवस्था सामान्य रहेको स्वकीय सचिव भरत तिवारीले जानकारी दिएका छन् । कोइरालालाई सोमबार ९९ दशमलव ८ जरो ज्वरो समेत आएको उनको सचिवालयले जनाएको छ ।

सोमबार ह्याम्स अस्पतालले गरेको स्वाव परीक्षणमा रिपोर्ट बोर्डर लाइनमा देखिएपछि पुनः स्वाव संकलन गरेर टेकुस्थित शहिद शुक्रराज ट्रपिकल तथा सरुवा रोग अस्पतालमा पठाएको छ । रिपोर्ट शंकास्पद आएपछि आफुसहित सचिवालयका सदस्य र केही केन्द्रीय सदस्यको समेत फेरि स्वाव परिक्षण गरिएको हो ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…