नेपालमा कोरोना संक्रमितको संख्या ५३ हजार १ सय २० पुग्दा ३३६ जनाको मृत्यु

काठमाडौं । पछिल्लो २४ घण्टामा १२ सय १ जनामा कोरोना संक्रमण पुष्टि भएसँगै नेपालमा कोरोना संक्रमितको संख्या ५३ हजार १ सय २० पुगेको छ। शनिबार साँझसम्म देशभर सक्रिय संक्रमितको संख्या १५ हजार २६० पुगेको स्वास्थ्य तथा जनसंख्या मन्त्रालयले जानकारी दिएको छ। संस्थागत आइसोलेसनमा ९ हजार १०७ जना र होम आइसोलेसनमा ६ हजार १५३ जना रहेका छन् ।

पछिल्लो २४ घण्टामा देशका विभिन्न अस्पतालबाट ८५२ जना डिस्चार्ज भएसँगै नेपालमा कोरोना जित्नेको संख्या ३७ हजार ५५४ पुगेको छ । नेपालमा ७० दशमलव ६ प्रतिशतले कोरोना जितेका छन् ।

पछिल्लो २४ घण्टामा १० हजार १७६ जनाको आरटी पीसीआर गरिएको छ। योसँगै हालसम्म नेपालमा ८ लाख ३१ हजार ३६५ जनाको आरटी पीसीआर परीक्षण भएको स्वास्थ्य तथा जनसंख्या मन्त्रालयले जानकारी दिएको छ । हाल क्वारेन्टिनमा ६ हजार ३५४ जना रहेका छन्।
कोरोनाबाट ३३६ जनाको मृत्यु
पछिल्लो २४ घण्टामा नेपालमा कोरोना संक्रमणबाट १४ जनाको मृत्यु भएको छ। योसँगै नेपालमा कोरोना संक्रमणबाट ज्यान गुमाउनेको संख्या ३ सय ३६ पुगेको छ।

पछिल्लो एक महिनादेखि दैनिक रुपमा कोरोना संक्रमितको मृत्यु भइरहेको छ । शुक्रबार मात्र पनि ५ जनाको कोरोनाका कारण मृत्यु भएको थियो।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…