कोरोनाले स्थगित त्रिबिका परिक्षा छठपछि

खोज पत्रिका बिहिबार, २०७७ अशोज ८, १८ :२४ बजे

काठमाडौं । कोरोना भाइरसका कारण रोकिएका त्रिभुवन विश्वविद्यालयका रोकिएका परीक्षा छठपछि मात्रै हुने भएका छन् । त्रिवि कार्यकारी परिषद्, परीक्षा सुधार तथा समन्वय परिषद् र केन्द्रीय परीक्षा सञ्चालन समितिको मंगलबार बसेको बैठकले छठलगत्तै रोकिएका परीक्षा सञ्चालन गर्न तयारी गर्न सम्बन्धित कार्यालयलाई निर्देशन दिने निर्णय गरेको छ । काठमाडौं, पूर्वाञ्चल, मध्यपश्चिमाञ्चल विश्वविद्यालयले अनलाइन परीक्षा सञ्चालन गर्न थालेपछि त्रिविले पनि रोकिएको परीक्षा छठलगत्तै गर्ने तयारी गरेको हो ।

परीक्षार्थीलाई घर पायक परीक्षा दिन मिल्ने गरी तयारी थाल्न प्रदेश परीक्षा कार्यालयलाई निर्देशन दिएको परीक्षा नियन्त्रक पुष्पराज जोशीले जानकारी दिए । अनुसार अनलाइन वा अन्य बैकल्पिक व्यवस्थासहित परीक्षा लिन सम्बन्धित निकायलाई निर्देशन दिइसकेको छ । पनिकाले परीक्षाको कार्यतालिका दशैंअघि नै सार्वजनिक गर्ने गरी तयारीसमेत गरेको छ । करिब ३ लाख विद्यार्थी रहेको त्रिविमा चैतदेखि परीक्षा हुन सकेको छैन ।

सेमेस्टर प्रणालीअनुसार वैकल्पिक विधिबाट पढाए तापनि परीक्षा सञ्चालन गर्न नसक्दा हजारौं विद्यार्थी मर्कामा परेका छन् । त्रिविले सेमेस्टर प्रणाली र कम विद्यार्थी भएका विषयका लागि छठअघि नै परीक्षा गर्ने तयारी गरेको छ ।

सबै डीन कार्यालयलाई परीक्षा सञ्चालन गर्न कार्यायोजना तयार गर्नसमेत आग्रह गरिएको छ । त्रिविले स्वास्थ्य मापदण्ड पालना गरी, भौतिक दूरी कायम गर्दै परीक्षा सञ्चालन गर्ने विषयमा मातहतका निकायलाई पत्राचार गरिसकेको छ । तर कोरोना भाइरस को संक्रमण बढ्दै गए के गर्ने भन्ने विषयमा कुनै निर्णय गरेको छैन ।

पछिल्लो समय काठमाडौं उपत्यकामा झनै कोरोना संक्रमित बढेपछि त्रिबिका परिक्षा समेत रोकिने सम्भावना छ । यसअघि पनि कार्यतालिका सार्वजनिक गरेपनि कोरोना संक्रमण बढेपछि परिक्षा स्थगित गरिएको थियो ।

क्याटेगोरी : प्रमुख समाचार, ब्रेकिंग न्युज, शिक्षा स्वास्थ्य, समाचार
ट्याग : #त्रिबि, #रोकिएका परीक्षा