१० दिनमा नेपालमा कोरोनाबाट ८८ जनाको मृत्यु, १३ हजार ५ सय संक्रमित

खोज पत्रिका आइतवार, २०७७ अशोज ११, १६ :५० बजे

काठमाडौं । पछिल्लो समय दैनिक कोरोना संक्रमण र मृत्युदर पनि बढ्दै गएको तथ्याङकले देखाइरहेको छ । पछिल्लो दश दिनमा कोरोना भाइरसबाट नेपालमा ८८ जनाको मृत्यु भएको छ । असोज १ देखि १० गतेसम्ममा ८८ जनाको मृत्यु हुँदा १३ हजार ४ सय ९४ जना संक्रमित थपिएका हुन् । नेपालमा औषतमा कोरोनाबाट दैनिक ११ जनाको मृत्यु हुने गरेको पाइएको छ भने १ हजार ३ सय नयाँ संक्रमित थपिने गरेका छन् ।

नेपालमा अहिलेसम्म सबैभन्दा धेरै संक्रमित असोज २ गते थपिएका थिए । २ गते एकैदिन २ हजार २० जनामा संक्रमण पुष्टि हुँदा ७ जनाको मृत्यु भएको थियो । असोज ८ गते धेरै संख्यामा कोरोना संक्रमितको मृत्यु भएको थियो । सो दिन दिनमा १७ जना संक्रमितको मृत्यु भएको थियो ।

नेपालमा हालसम्म कोरोनाबाट ७१ हजार ८ सय २१ जना संक्रमित भएका छन् भने ४ सय ७६ जनाको मृत्यु भएको छ । ५३ हजार १३ जना कोरोना जितेर घर फर्किएका छन् । १० दिनमा मृत्यु हुने र संक्रमित हुनेको तथ्याङ १० दिनमा नेपालमा कोरोनाबाट ८८ जनाको मृत्यु, १३ हजार ५ सय संक्रमित
१० दिनमा मृत्यु हुने र संक्रमित हुनेको तथ्याङ

गते	मृतक	संक्रमित
असाेज १	४	१२४६
असाेज २	७	२०२०
असाेज ३	११	१२०४
असाेज ४	१०	१३२५
असाेज ५	१६	११५४
असाेज ६	२	१३५६
असाेज ७	७	११७२
असाेज ८	१७	१४९७
असाेज ९	६	१३१३
असाेज १०	८	१२०७