सर्वदलीय बैठकमा प्रधानमन्त्री ओलीलाई र्याखर्याख्ती

काठमाडौं । पछिल्लो राजनीतिक घटनाक्रमलाई लिएर प्रधानमन्त्री केपी शर्मा ओलीले मंगलबार बालुवाटारमा सर्वदलीय बैठक डाके । तर, उनै प्रधानमन्त्री ओलीमाथि बिभिन्न दलका नेताहरुले प्रश्न ते¥याएका छन् । संसदमा प्रतिनिधित्व गर्ने दलका नेताहरुले सरकारकै कारण पछिल्लो समय सडक आन्दोलन चर्किएको समेत आरोप लगाएका छन् । मगलबार झण्डै तीन घण्टासम्म चलेको बैठकमा संसदमा प्रतिनिधित्व गर्ने राजनीतिक दलका नेताहरुलाई स्वागत गर्दै प्रधानमन्त्रीले संविधान विरोधी गतिविधि नियन्त्रणमा सम्पूर्ण दललाई एक हुन आह्वान गरे ।

पछिल्लो राजनीतिक घटनाक्रमबारे साझा धारणा बनाउन प्रधानमन्त्रीले सर्वदलीय बैठक बोलाएका थिए । बैठकमा उपस्थित नेताहरुले गणतन्त्र बिरोधी गतिविधिलाई सरकारले रोक्न नसकेको तथा सरकार काम कारवाही प्रभावकारी नहुँदा नागरिकमा निरासा पैदा भएको भन्दै सरकारको आलोचना गरे । नेपाली कांग्रेसका तर्फबाट सहमहामन्त्री प्रकाश शरण महत, बरिष्ठ नेता रामचन्द्र पौडेल, उपसभापति विमलेन्द्र निधि लगायतका नेताहरुले आफ्नो धारणा राखेका थिए । सह–महामन्त्री महतले सरकार कोरोना नियन्त्रणमा असफल भएको धारणा राखेको जानकारी दिए ।

भ्रष्टाचार, विभेदकारी तथा दमनकारी सरकारको प्रवृतिवारे पनि कांग्रेसले विरोध गरेको उनले भनाई छ । तनहुँमा रामचन्द्र पौडेललाई प्रहरीले नियन्त्रणमा लिएको विषयमा पनि कांग्रेसले बैठकमा आपत्ति जनाएको थियो । संसद बैठक नबोलाइएको बिषयमा पनि कांग्रेसले सरकारको आलोचना गरेको छ । महतले अहिले सडकमा भइरहेको प्रर्दशन सरकारकै कारणा भइरहेको धारणा बैठकमा राखेको जानकारी दिए । उनले सरकारप्रति निराशा बढ्दा सडकमा असन्तुष्टि छरपष्ट भएको आरोप लगाए । सरकारले संविधान कार्यन्वयनमा विभेदकारी नीति अपनाएको भन्दै कांग्रेसले आपत्ति जनाएको थियो । प्रधानमन्त्रीले कांग्रेसको आलोचनालाई आफूले गम्भीर रुपमा लिएको भन्दै आत्मसाथ गर्ने जवाफ फर्काएका थिए ।

त्यस्तै बैठकमा राष्ट्रिय प्रजातन्त्र पार्टी (राप्रपा)का नेता दीपक बोहोराले सडकमा भएको प्रदर्शनबारे प्रधानमन्त्री ओलीलाई जानकारी गराएका थिए । उनले प्रदर्शनमा आफ्नो पार्टीको नैतीक समर्थन रहेको बताए । राजा सहितको लोकतन्त्र र धर्मनिरपेक्षताका विषयमा सर्वदलीय बैठकबाट निर्णय गर्न आफूले माग गरेको बोहोराले जानकारी दिएपनि प्रधानमन्त्रीले कुनै जवाफ नदिएको उनको भनाई छ । राप्रपाले उठाएको बिषयमा जवाफ नदिएका प्रधानमन्त्री ओलीले पछिल्ला असन्तुस्टीलाई भने सम्हालेर अगाडि बढ्ने बताएका थिए । ओलीले कोरोना नियन्त्रणमा सरकारले प्रभावकारी रुपमा काम गरिरहेको दाबी गरे । उनले सबै दलका तर्फबाट आएका आलोचनालाई आफूले आत्मासाथ गरेको समेत जिकिर गरेका थिए ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…