संघीय संसदले केन्द्रीय राहत कोषमा जम्मा गर्यो १ करोड

काठमाडौं २५ चैत । संघीय संसद् सचिवालयले कोरोना संक्रमणविरुद्ध लड्न सरकारले गठन गरेको केन्द्रीय राहत कोषमा १ करोड बढी रकम जम्मा गरेको जानकारी गराएको छ । पहिलो चरणमा मंगलबार सचिवालयले महालेखा नियन्त्रकको कार्यालयमार्फत १ करोड १ लाख ३२ हजार ८ सय रुपैयाँ पठाएको हो । प्रतिनिधिसभाका सभामुख अग्निप्रसाद सापकोटा र राष्टियसभाका अध्यक्ष गणेशप्रसाद तिमिल्सिना, उपाध्यक्ष शशिकला दाहालले १ महिनाबराबरको रकम सहयोग गरेका छन् । यस्तै, नेकपा संसदीय दलका १ सय ९५ जना सांसदले आधा महिनाको तलब सहयोग गरेका छन । निजी सचिवालय, स्थायी तथा करार कर्मचारीले पनि कोषमा योगदान गरेका छन् । पहिलो चरणमा संघीय समाजवादी फोरमका सांसद् प्रदीप यादव र राष्टिय जनमोर्चाकी सांसद् दुुर्गा पौडेलको एक महिना बराबरको तलब पनि पठाइएको छ । बाँकी सांसदहरूले कोषमा जम्मा गरेको राहत रकम भने अर्को महिना जम्मा हुनेछ ।

थप समाचार

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

माओवादीको अभियान कार्यतालिका हेरफेर,आजदेखि कुन जिल्लामा कहिले ?

सरकारले ल्याएका ६ मध्ये ५ वटा अध्यादेश प्रतिनिधिसभाबाट स्वीकृत

संवैधानिक पदाधिकारी नियुक्तिविरुद्धको रिटमा आज सुनुवाइ हुँदै

गृहमन्त्री लेखक र परराष्ट्रमन्त्री राणाले भेटे प्रकृति लम्सालको परिवार

भूमिसम्बन्धी अध्यादेश तत्काल अघि नबढाउन सरकार सहमत