किन गर्न लाग्यो काँग्रेसले राष्ट्रिय जागरण अभियान

काठमाडौं ३ बैशाख । प्रमुख प्रतिपक्ष दल नेपाली काँग्रेसले बैशाख ११ बाट राष्ट्रिय जागरण अभियान चलाउने भएको छ । काँग्रेसले मंगलबार सानेपास्थित पार्टी केन्द्रीय कार्यालयमा पत्रकार सम्मेलन गर्दे बैशाख ११ गतेबाट राष्ट्रिय जागरण अभियान सञ्चालन गर्ने जानकारी दिइएको हो । सरकारले संघीयताको मर्म अनुसार काम गर्न नसकेको कुरा आम जनतालाई जानकारी दिन राष्ट्रिय जागरण अभियान सञ्चालन गर्न लागिएको कांग्रेसले जनाएको छ । तीन चरणमा सञ्चालन हुने राष्ट्रिय जागरण अभियान अन्तरगत पहिलो चरणको एक महिने कार्यक्रम ७७ जिल्लामा सञ्चालन हुनेछ । त्यस्तै, दोस्रो चरणमा भदौं २३ देखि असोज ७ गतेसम्म ३ सय ३० वटै निर्वाचन क्षेत्रमा सञ्चालन गरिनेछ । तेस्रो चरणमा पुसको दोस्रो साता सबै पालिकामा हुने पनि उपसभापति बिमलेन्द्र निधिले बताए । वर्तमान सरकारले मुलुकलाई समृद्ध बनाउन नसक्ने कुरा पनि आम पार्टी पंक्ति र जनतालाई सूसुचित गराउन सो राष्ट्रिय जागरण अभियान संचालन गर्नु परेको पनि उपसभापति निधिले दाबी गरे । काँग्रेसले सो अभियानलाई प्रभावकारी बनाउन विघटित नेपाल विद्यार्थी संघलाई ब्यूँताउने तथा तरण दलको तदर्थ समितिलाई पूर्णता दिने पनि जनाएको छ । काँग्रेसले कम्युनिष्ट नेतृत्वको वर्तमान सरकारले मुलुकलाई अघि बढाउन नसकेको आरोप लगाएको छ ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…