पहिलो पटक मन्त्री बनेर सिंहदरबार छिर्नेहरु

खोज पत्रिका शनिबार, २०७८ अशोज २३, ०२ :१२ बजे

काठमाडौं । प्रधानमन्त्री शेरबहादुर देउवाको मन्त्रिमण्डलका २५ सदस्यमध्ये ११ जना पहिलो पटक मन्त्री बनेर सिंहदरबार छिर्ने मौका पाएकाहरु रहेका छन् । देउवा नेतृत्वको मन्त्रिमण्डलमा पहिलो पटक मन्त्री बनेर सिंहदरबार छिर्नेमा काँग्रेसका दुई जना छन् । काँग्रेसबाट पहिलो पटक मन्त्री बन्नेमा उमा रेग्मी र गजेन्द्र हमाल हुन ।

यस्तै नेकपा माओवादीबाट एक राज्यमन्त्रीसहित चार जना मन्त्री बनेर पहिलो पटक सिंहदरबार छिरेका छन् । यो पार्टीबाट देवेन्द्र पौडेल, शशी श्रेष्ठ, महेश्वरजंग गहतराज र बोधमाया यादव पहिलो पटक मन्त्री बनेका हुन् । यादव राज्यमन्त्री हुन् भने बाँकी तीनजना क्याबिनेटस्तरका मन्त्री बनेका छन् । यता, नेकपा एकीकृत समाजवादीका पनि चार जना नयाँ अनुहार नै मन्त्री बनेका छन् ।

समाजवादीबाट विरोध खतिवडा, रामकुमारी झाँक्री, कृष्णकुमार श्रेष्ठ र भवानी खापुङ पहिलो पटक मन्त्री भएर सिंहदरबार छिरेका हुन् । खापुङ पनि राज्यमन्त्री हुन् । यस्तै जनता समाजवादी पाटीबाट रामसहाय यादव पहिलो पटक मन्त्री बनेर सिंहदरबार छिरेका छन् ।

क्याटेगोरी : जीवनशैली, प्रमुख समाचार, राजनीति, समाचार
ट्याग : #मन्त्रिमण्डल, #शेरबहादुर देउवा