विदेशमा नेपालीले १५ अर्ब बढी खर्च गर्दा पर्यटक मार्फत नेपालमा भित्रियो चार अर्ब २० करोड मात्रै

काठमाडौं । विदेशीले नेपालमा पछिल्लो तीन महिनामा चार अर्ब २० करोड रुपैयाँ खर्च गरेको तथ्याङक सार्वजनिक भएको छ । तर, नेपालीले विदेशमा १५ अर्बभन्दा धेरै खर्च गरेको अर्को तथ्याङक पनि छ । चालु आर्थिक वर्षको पहिलो तीन महिनामा सेवा आयमा देशले २३ अर्ब ७९ करोडको घाटा व्यहोनुपरेको नेपाल राष्ट्र बैंकले जनाएको हो ।

अघिल्लो वर्षको तीन महिनामा सेवा आय ११ अर्ब ९४ करोड रुपैयाँ रहेकोमा अहिले दोब्बरभन्दा धेरैले बढेर २३ अर्ब ७९ करोड रुपैयाँ पुगेको छ । गत साउन भदौ र असोजमा भ्रमण आय अर्थात् नेपाल आउने विदेशीले चार अर्ब २० करोड रुपैयाँ खर्च गरेका छन् । यो गएको वर्षको तुलनामा एक सय ८३ प्रतिशतले धेरै हो ।

नेपालीले विदेशमा गर्ने खर्च अर्थात भ्रमण व्यय एक सय ८७ प्रतिशत भन्दा धेरैले बढेको पाइएको छ । गएको तीन महिनामा नै नेपालीले १५ अर्ब २६ करोड रुपैयाँ खर्च गरेका छन् । अध्ययनका लागि विदेश जानेहरूले मात्रै तीन महिनामा आठ अर्ब ९२ करोड रुपैयाँ खर्च गरेको राष्ट्र बैंकले जनाएको छ ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…