कांग्रेस महाधिबेशनः आजदेखि निर्वाचन प्रक्रिया,को को ले देलाउन उमेद्वारी

खोज पत्रिका शनिबार, २०७८ मंसिर २५, १४ :४४ बजे

काठमाडौं । नेपाली कांग्रेसको नयाँ नेतृत्व चयनका लागि आजदेखि निर्वाचन प्रक्रिया सुरु हुँदैछ । केन्द्रीय निर्वाचन समितिले सार्वजनिक गरेको कार्यतालिका अनुसारआज बिहान १० बजेदेखि मनोनयन दर्ता सुरु हुनेछ । साँझ ५ बजेसम्म मनोनयन दर्ता हुने निर्वाचन समितिले जनाएको छ । मतदात भने २७ गते हुने निर्वाचन समितिले जनाएको छ ।

कांग्रेसमा विभिन्न कलस्टर अनुसार कार्यसमितिको चुनाव हुँदैछ । पदाधिकारीका लागिसमेत कलस्टर छुट्याइएको छ ।पदाधिकारीतर्फ एक सभापति, दुई उपसभापति, दुई महामन्त्री, आठ सहमहामन्त्रीको निर्वाचन हुने व्यवस्था गरिएको छ । त्यस्तै, ३५ खुल्ला सदस्य, ९ महिला केन्द्रीय सदस्य, प्रत्येक प्रदेशबाट १ महिला सहित २१ जना केन्द्रीय सदस्य र बिभिन्न समाबेशी समूह अन्र्तगत ५६ जना केन्द्रीय सदस्यका लागि निर्वाचन हुनेछ । सभापतिले ३३ जना केन्द्रीय सदस्य मनोनित गर्ने बिधानमा ब्यवस्था छ ।

कोषाध्यक्ष निर्वाचित केन्द्रीय सदस्यहरुबाट चयन गरिनेछ । १ सय ६७ कार्यसमितिमा १ सय ३४ जनाका लागि निर्वाचन हुनेछ । सभापतिका लागि संस्थापन पक्षबाट शेरबहादुर देउवा र छुट्टै समूह बनाएका विमलेन्द्र निधिले उम्मेदवारी घोषणा गरेका छन् । वरिष्ठ नेता रामचन्द्र पौडेल समूहले भने साझा उम्मेदवार घोषणा गर्न सकेको छैन । रामचन्द्र समूहमा प्रकाशमान र शेखर कोइराला सभापतिमा दाबेदार छन् ।

क्याटेगोरी : देश/दुनियाँ, प्रमुख समाचार, राजनीति, समाचार
ट्याग : #नेपाली कांग्रेस