मन्त्रिमण्डल हेरफेर गर्ने तयारी, को–को बाहिरिएलान को को नयाँ मन्त्री बन्लान ?

काठमाडौं । निर्वाचन आयोगले स्थानीय तहको चुनावका लागि आचारसंहिता जारी गर्ने तयारी गरिरहेको बेला मन्त्रिपरिषद् हेरफेरको गृहकार्य शुरु भएको छ । सत्तामा सहभागि नभएको लोकतान्त्रिक समाजवादी पार्टीलाई पनि सहभागि गराउने गरि तयारी थालिएको छ । ४ दल मिलेर बनेको बर्तमान सरकारले प्रभावकारी काम नगरेको भन्दै आलोचना भैरहँदा फेरि मन्त्री फेर्ने चर्चा छ ।

प्रधानमन्त्री शेरबहादुर देउवाले यस बिषयमा सत्ताधारी दल नेकपा माओवादी केन्द्रका अध्यक्ष पुष्पकमल दाहाल प्रचण्ड , नेकपा एकीकृत समाजवादीका अध्यक्ष माधवकुमार नेपाल लगायतसंग परामर्श गरेका छन् । कांग्रेस, माओवादी र एकीकृत समाजवादीले पठाएका केहि मन्त्रीले प्रभावकारी काम नगरेको भन्दै पार्टी भित्र र बाहिर पनि चर्चा भैरहेको छ । आचारसंहिता पछि मन्त्री मण्डल परिवर्तन गर्न नपाइने भएकोले पनि छिट्ै मन्त्रीहरु थप घट गर्न लागिएको बताइएको छ ।

मंगलवार जनकपुर पुुगेका माओवादी अध्यक्ष प्रचण्डले मन्त्रीहरु फेरबदल हुन लागेको छनक दिए । प्रधानमन्त्री देउवाले पार्टी सभापति जित्ने बेला नेता प्रकाशमान सिंह र सुजाता कोइालासंग केहि सहमति गरेको र उनीहरुलाई मन्त्री मण्डलमा ल्याउने गरि छलफल भैरहेको बताइन्छ । नेता सिंहले दोस्रो चरणमा नेता शेखरको टीम छोडेर सभापति देउवालाई सघाएका थिए । त्यसवेला देउवासंग अनौपचारिक सहमति भएको बताइन्छ । यसै पनि अहिले रक्षा एव उद्योग बाणिज्य तथा आपूर्ति मन्त्रालय मन्त्री बिहीन छन् ।

प्रधानन्यायाधीश चोलेन्द्र शम्सेर राणाको कोटामा मन्त्री भएको भनिएका गजेन्द्र हमालले राजीनामा दिएयता उद्योग मन्त्रालयले मन्त्री पाएको छैन भने पार्टीको निर्वाचनमा महामन्त्रीमा हारेपछि मिनेन्द्र रिजालले राजीनामा दिएका थिए । नेकपा एकीृकत समाजवादीका शीर्ष नेताहरु पनि आफ्ना केहि मन्त्रीहरुको काम प्रभावकारी नभएको भनि असन्तु्ष्ट देखिएको बेला मन्त्रीमण्डल हेरफेर गर्न खोजेको हुनसक्ने आकलन गरिएको छ ।

स्थानीय चुनावमा गठबन्धन बनाएर जाने बिषयमा पनि छलफलमा जुटेका सत्तारुढ दलहरु लोकतान्त्रिक समाजवादी पार्टीलाई पनि सरकारमा ल्याउन खोजिरहेका छन् । मंगलवारनै जनकपुरमा लोसपाका अध्यक्ष महन्थ ठाकुरले सरकारमा सहभागि हुनेबारे छलफल भैरहेको जानकारी दिए । निर्वाचन आयोगले यहि चैत १५ गतेदेखि आचारसंहित जारी गर्ने बताइरहदा सरकार त्यस अघिनै हेरफेर, कर्मचारी सरुवा बढुवा टुग्याउने गरि घनीभूत छलफलमा जुटेको पाइन्छ ।

थप समाचार

कांग्रेसमा उठ्यो राज्यमन्त्री कान्छारामलाई हटाइएको विषय

लण्डनको थेम्स नदीमा भेटिएको शव नेपाली विद्यार्थी ओलीकै भएको पुष्टि

सभापतिमाथि लगाएको मुद्दामा दम छैन, सरकारको प्रतिशोध मात्रै होः सोबिता…

भारतले पाकिस्तानबाट हुने आयातमा लगायो पूर्ण प्रतिबन्ध

समाजवादको आधार तयार पारेर मात्रै दुनियाँबाट बिदा हुने संकल्प लिएको…

ओलीले सांसदहरूलाई भनेढुक्क रहनू, हाम्रा सबै नीति सही छन्