बागमतीका मुख्यमन्त्री राजेन्द्र पाण्डे र काठमाडौं महानगर बालेन साहबीच टसल

खोज पत्रिका बुधबार, २०७९ असार १, ०२ :१६ बजे

काठमाडौं । बागमती प्रदेशका मुख्यमन्त्री राजेन्द्र पाण्डे र काठमाडौं महानगरपालिकाका मेयर बालेन्द्र साहबीच टसल देखिएको छ । एकले अर्कोलाई आरोप लगाउदै दुबैबीच टसल भएको देखिएको हो । काठमाडौंको फोहोरको विषयलाई लिएर बागमती प्रदेश सरकार र काठमाडौं महानगरपालिकाबिच मनमुटाव सुरु भएको बताइएको छ ।

सोमबार बाग्मती प्रदेशले आयोजना गरेको अभिमुखीकरण कार्यक्रमपछि महानगरपालिका र प्रदेश सरकारबीच तनाव भएको थियो । प्रदेश सरकारका अर्थमन्त्रीले काठमाडौंको फोहोर अरू पालिकामा फाल्न नपाउने बताएपछि असन्तुष्ट भएर मेयर साह कार्यक्रम नै छोडेर हिँडेका थिए । उनले अभिमुखीकरण कार्यक्रममा काठमाडौं महानगरलाई गाली मात्रै गरिएको आरोप लगाए ।

दुई दिने अभिमुखीकरण कार्यक्रम मंगलबार सकिएको छ । उद्घाटनको दिन कार्यक्रम छोडेर हिँडेका काठमाडौंका मेयर र उपमेयर दोस्रो दिन सहभागी भएनन् । आफूले यो कुरा भाषणमा नै प्रस्ट्याएकाले काठमाडौंका मेयर असन्तुष्ट हुनुपर्ने कारण नभएको मुख्यमन्त्री पाण्डेको भनाइ छ ।

मेयर साहले अभिमुखीकरण कार्यक्रम नै बहिष्कार गरेको विषयमा भने आफू अनभिज्ञ रहेको उनले बताए । मैले प्रमुख अतिथिको रूपमा बोल्दा काठमाडौंको फोहोर उठाउने कुरामा आफूहरू जुनसुकै भूमिका निभाउन तयार रहेको स्पष्ट पारेको छु । काठमाडौं पनि बागमती प्रदेशभित्रै महानगर भएकाले यहाँको फोहोरको चिन्ता हामीलाई पनि उत्तिकै पाण्डेले जवाफ दिएका छन् ।