रुकुमपूर्वमा सत्तागठबन्धनका उम्मेदवारलाई बागीकै चुनौति,प्रचार–प्रसारमा समेत अवरोध

रुकुमपूर्व । रुकुमपूर्वमा सत्ता गठबन्धनका तर्फबाट प्रतिनिधिसभा सदस्यमा उम्मेद्वार छन् नेकपा माओवादी केन्द्रका नेता पूर्णबहादुर घर्ती । उनी लुम्विनी प्रदेशको सभामुख हुन । घर्तीलाई नेपाली कांग्रेस, राष्ट्रिय जनमोर्चा र नेकपा एकीकृत समाजवादीले साथ दिएको छ । उनीसँग प्रतिष्पर्धा गर्दैछन् नेकपा एमालेका कैलाशकुमार मल्ल । दुवैले आ–आफ्नो चुनावी प्रचार–प्रसार गरिरहेका छन् । प्रदेश तर्फको १ नम्बरमा नेकपा माओवादी केन्द्रका तर्फबाट तेजबहादुर ओली चुनावी मैदानमा छन् ।

सोही क्षेत्रमा नेकपा एमालेका तर्फबाट तेजेन्द्र बुढामगर चुनावी प्रतिष्पर्धामा छन् । दुवै उम्मेदवारलाई यहाँ स्वतन्त्र उम्मेदवार सुरुल पुन मगरले चुनौति दिदैछन् । बिजुलीको बल्ब चुनाव चिन्ह पाएका मगरलाई रुकुपूर्वका माओवादी केन्द्रका नेताहरुको समर्थन छ । माओवादीबाट उम्मेदवार बनेका तेजेन्द्रलाई चुनावी प्रचार–प्रसारमै अवरोध गर्नेसम्मका गतिविधि उनीहरुले गरिरहेका छन् । माओवादीबाट असन्तुष्ट भएका सुरुले गठबन्धनलाई निक्कै कडा टक्कर दिने देखिन्छ । प्रदेश सभा २ मा पनि प्रतिष्पर्धा निक्कै रोचक बन्ने देखिएको छ ।

सत्ता गठबन्धनबाट नेपाली कांग्रेसका उम्मेदवार धनबहादुर केसी(डिबी) चुनावी मैदानमा रहँदा एमालेका तर्फबाट भावना बुढाथोकी प्रतिष्पर्धामा छिन । यहाँ राप्रपाबाट केशव चन्द्र समाल, मंगोल नेशनल अर्गनाइजेशनबाट लेखन बुढा र स्वतन्त्रबाट नरहरि खड्का चुनावी प्रतिस्पर्धामा छन् । त्यस्तै, सत्ता गठबन्धनको सिट बाँटफाँडमा असन्तुष्टी जनाउँदै अनेरास्ववियु क्रान्तिकारीका केन्द्रिय उपाध्यक्ष केशव रावलले स्वतन्त्र उम्मेदवारी दिएका छन् । अर्का स्वतन्त्र उम्मेदवार पूर्णजंङ सिंहले रावललाई समर्थन गर्दै उम्मेदवारी निष्क्रिय बनाएका छन् । प्रदेश २ मा रावलले गठबन्धनका उम्मेद्वार केसीलाई निक्कै चुनौति दिने देखिन्छ ।

स्थानीय तहको निर्वाचनमा बलियो देखिएको नेकपा माओवादी केन्द्रभित्रैबाट प्रदेश तर्फ बागी उम्मेदवार बन्दा गठबन्धनलाई समस्या परेको छ । प्रतिनिधि सभाका उम्मेदवार घर्तीको प्रतिष्पर्धी एमाले हुँदा प्रदेश तर्फ भने माओवादीका बागी उम्मेदवार र गठबन्धनका उम्मेदवारबीच मुख्य प्रतिष्पर्धा हुने मतदाता बताउछन् । स्थानीय तहको निर्वाचनमा समेत वडागत रुपमा गठबन्धन भएका कारण कसको मत कति छ भन्ने टुंगो छैन ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…