अर्थविद् स्वर्णिम वाग्लेले भने निर्वाचनपछिको प्रधानमन्त्री गगन थापा

खोज पत्रिका शनिबार, २०७९ कार्तिक २६, २२ :०८ बजे

काठमाडौं । अर्थविद् स्वर्णिम वाग्लेले मंसिर ४ को निर्वाचनपछि नेपाली कांग्रेसका महामन्त्री गगनकुमार थापा प्रधानमन्त्री बन्ने दाबी गरेका छन । शनिबार काठमाडौं क्षेत्र नम्बर–४ को कार्यक्रममा वाग्लेले मुलुकको प्रधानमन्त्री बन्न थापा सक्षम र तयार रहेको बताएका हुन्।

वाग्लेले थापासँग प्रधानमन्त्री बन्ने भिजन र सोही अनुसारको आफूजस्तै विज्ञहरूको टिम रहेको समेत जानकारी दिए । थापालाई प्रधानमन्त्री बनाउन सके १० वर्षभित्र मुलूकमा ठूलो परिवर्तन आउने वाग्लेको भनाइ छ। गगन थापालाई फेरि मन्त्री, उपप्रधानमन्त्री र प्रधानमन्त्री नै बनाउन सकियो भने सामाजिक सुरक्षाको प्रत्याभूतिले मूर्त आकार लिने वाग्लेको दाबी छ ।

यस्तै थापामा राजनेतामै आउने खालको झलक पनि भएको उनले जिकिर गरे। यस्तै उनले सवलीकरण, सक्षमताको एजेण्डा भएको र यो कामको नेतृत्व गगन थापाले मात्रै गर्न सक्ने बताएका थिए ।