योगदान र इतिहास भुल्दै स्वतन्त्र दावी गर्ने उम्मेद्वार, वितृष्णा फैलाउन मात्रै केन्द्रीत

काठमाडौं । बैकल्पिक राजनीतिक शक्ति बन्ने दाबीसहित चुनावमा होमिएका नवगठित दलहरु पनि फिक्का देखिन थालेका छन् । नयाँ दल र स्वतन्त्र उम्मेदवारहरुले प्रस्तुत गरेका घोषणापत्र र गतिविधि हेर्दा उनीहरु बैकल्पिक शक्ति त होइन बरु वितृष्णा फैलाउने कारक बन्न सक्ने देखिन्छ । मंसिर ४ को निर्वाचन नजिकिएसँगै विद्यमान राजनीतिक दल र नेताहरुको आलोचना पनि बढेको छ ।

लामो समयदेखि शासकिय नेतृत्व गरेका दल र नेताहरुको आलोचना गर्नेहरुमा स्वतन्त्र रुपमा उम्मेदवारी दिएका व्यक्ति र अब देशलाई राजनीतिमार्फत विकल्प दिन्छौँ भन्दै दर्ता भएका नवगठित दलहरु रहेका छन । उनीहरु योग्य, पढेलेखेका, युवा, विकासको लहर ल्याउने तथा सुशासन दिन सक्नेहरुलाई छान्नुपर्ने बताउँछन । भ्रष्टाचारीलाई जेलमा कोचे मात्रै देश र जनताले मुक्ति पाउने उनीहरु बताउँछन् ।

सामान्य रूपमा हेर्दा स्वतन्त्रहरू र नवगठित केही दलहरुको उद्देश्य राजनीतिक दलहरूमाथिको वितृष्णाबाट फाइदा उठाएर व्यक्तिगत चर्चा र सुविधाको लाभ लिने देखिन्छ । उनीहरु लामो समयदेखी प्रभावशाली रहँदै आएका केही नेतामाथी गालीगलौजमा उत्रिएका छन । यसबाट राजनीति र समाज शुद्धिकरण गर्ने उनीहरुको दाबी सफल हुन देखिदैन । पूर्व प्रधानमन्त्री एवम एमाले अध्यक्ष केपी शर्मा ओलीले उनीहरुलाई विगतमा आफूहरुले गरेको योगदानलाई सम्झन गतिलो जवाफ दिएका थिए ।

नेपालको चुनौती समाधान गर्ने, आन्तरिक र बाह्य समस्याको समाधान खोज्ने, अर्थतन्त्र बलियो बनाउने, शिक्षा, स्वास्थ्य र भौतिक पूर्वाधार विकासमा तत्कालै चमत्कारिक रुपमा अघि बढाउन सक्ने योजनामा खरो रुपमा प्रस्तुत हुन सकेको छैन । नयाँ दल र उम्मेदवारहरूमा परम्परागत दलले गल्ती गरे, अब हामी आउनुपर्छ भन्ने सोच मात्र देखिन्छ ।

उनीहरुले समाज बदल्ने कोसिस कसरी गरिन्छ भन्नेमा आशा गर्ने आधार नै प्रस्तुत गर्न सकेका छैनन । उनीहरु मध्ये केहीमा शैक्षिक योग्यता भएपनि समाजमा भिजेर काम गरेको, र व्यवस्थापकिय नेतृत्वको अनुभव छैन । युरोप, अमेरिका अष्ट्रेलिया लगायतका विकसित मुलुकमा युवाले देशको नेतृत्व गरेको देखाउँदै उनहरु नेपालमा पनि आफनो नेतृत्व दावी गरिहेका छन तर त्यसअनुसारको सीप, क्षमता र बिचार प्रस्तुत गर्न सकेका छैनन ।

राजनीतिमा नयाँ वा पुरानो भन्ने हुँदैन । जोसँग बिचार र दर्शन छ, त्यही संसद र शासकिय नेतृत्वमा आउनुपर्छ । निर्वाचनको मुखमा विभिन्न किसिमका वाचाहरू गर्ने र निर्वाचनपछि बिर्सिने प्रबृत्तिको अन्त्यसँगै कागजी योग्यतालाई ठूलो उपलब्धी मान्ने र ठान्ने, अरुलाई गाली गर्नेहरु सबै सच्चिन आवश्यक छ ।

थप समाचार

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…

माओवादीको अभियान कार्यतालिका हेरफेर,आजदेखि कुन जिल्लामा कहिले ?

कुलमान घिसिङलाई स्पष्टीकरण सोध्ने मन्त्रिपरिषद्को निर्णय