राष्ट्रपति कार्यालयले भन्यो सर्वोच्च अदालतले राष्ट्रपतिको अपमान गर्यो

खोज पत्रिका बुधबार, २०७९ कार्तिक ३०, २३ :०२ बजे

काठमाडौं । राष्ट्रपति कार्यालयले सर्वोच्च अदालतले नागरिकता विधेयकको मुद्धालाई लिएर राष्ट्रपतिको अपमान गरेको जनाएको छ। राष्ट्रपति भण्डारीले नागरिकता विधेयक प्रमाणीकरण नगरेको विषयमा परेको रिटमाथि सर्वोच्च अदालतले सुनुवाइ गर्नु राष्ट्रपति संस्थाकै अपमान भएको जनाएको हो ।

सोमबार राष्ट्रपति कार्यालयले सर्वोच्च अदालतमा पेश गरेको लिखित जवाफमा राष्ट्रपतिले गरेको काम कारबाहीउपर अदालतमा मुद्दा नलाग्ने कानुनी व्यवस्था रहेको स्मरण गराइएको छ। यसरी कानुनले प्रष्ट तोकेको विषयमा रिट दर्ता हुनु र सुनुवाइ हुनु राष्ट्रपति संस्थाकै अपमान भएको लिखित जवाफमा दाबी गरिएको हो ।

राष्ट्रपति कार्यालयका सचिव यादवप्रसाद कोइरालाले पेश गरेको लिखित जवाफमा सर्वोच्च अदालतले राष्ट्रपतिको अपमान गरेको उल्लेख गरिएको छ । संघीय संसदले पारित गरेर पठाएको नागरिकता विधेयक राष्ट्रपतिले प्रमाणीकरण नगरेको भन्दै अधिवक्ता सुनील रञ्जन सिंहले सर्वोच्च अदालतमा रिट दायर गरेका थिए। उक्त रिटमा सुनुवाइ गर्दै सर्वोच्चले राष्ट्रपति कार्यालयसँग लिखित जवाफ माग गरेको थियो।

क्याटेगोरी : जनगुनासो, प्रमुख समाचार, राजनीति, समाचार
ट्याग : #नागरिकता विधेयक, #सर्वोच्च अदालत