शीर्ष नेताले गरे मतदान,आ–आफनो पार्टीको बहुमत आएर सरकार बनाउने दावी

काठमाडौं । विभिन्न दलका शीर्ष नेताहरुले आफ्नो मतदाता नामावलीमा भएको क्षेत्रमा पुगेर मतदान गरिरहेका छन् ।
प्रतिनिधि सभा एवं प्रदेश सभा निर्वाचनका लागि मतदान गर्न प्रधानमन्त्री शेरवहादुर देउवाले मतदान गरेका छन् । देउवाले गृह जिल्ला डडेलधुराको गन्यापधुरा गाउँपालिकाको असिग्राम मावि रुवाखोला मतदान केन्द्रमा पुगेर मतदान गरिसकेका छन् । नेकपा एमालेका अध्यक्ष केपी शर्मा ओलीले भतmपुरको सुर्यविनायक नगरपालिका वडा नम्वर २ बालकोटमा स्थित स्थानिय शान्ति माविको मतदान केन्द्रमा मतदान गर्दै छन् ।

नेकपा माओवादी केन्द्रका अध्यक्ष पुष्पकमल दाहाल प्रचण्डले चितवनको भरतपुर महानगरपालिका वडा न.१४ स्थित शान्तिपुरको पुलिस स्कुल शिवनगर मतदान केन्द्रमा मतदान गरिसकेका छन् । नेकपा एकिकृत समाजवादीका अध्यक्ष माधवकुमार नेपालले रौतहटको गौर नगरपालिकास्थित श्रीराम जानकी कन्या आधारभूत विद्यालयमा मतदान गरिसकेक छन् । एकिकृत समाजवादीकै सम्मानित नेता तथा पुर्वप्रधानमन्त्री झलना खनालले इलामको सुर्योदय नगरपालिका वडा नम्वर १ मा मतदान गरेका छन् ।

यस्तै, नेपाली काँग्रेसका वरिष्ठ नेता रामचन्द्र पौडेलले तनहुको ब्यास नगरपालिकाको वडा नम्वर २ स्थित सत्यवती मतदान केन्द्रमा मतदान गरेका छन् । एमालेका उपाध्यक्ष सुरेन्द्र पाण्डेले चितवनस्थित राप्ति–५ स्थित भण्डारा अस्पताल मतदान केन्द्रबाट मतदान गरेका छन् । कांग्रेस महामन्त्री गगन थापाले मैतिदेवीस्थित मतदान केन्द्रबाट मतदान गरे । एकीकृत समाजवादीकी सचिव रामकुमारी झाँक्रीले गुल्मीको मदाने गाउँपालिका ४ म्यालपोखरीको महेपोखरी माविबाट मतदान गरिन् ।

कांग्रेस नेता डा शेखर कोइरालाले विराटनगरस्थित आदर्श मावि मतदान केन्द्रबाट मतदान गरेका छन् । माओवादी केन्द्रका वरिष्ठ उपाध्यक्ष नारायणकाजी श्रेष्ठले गोरखास्थित जौबारीको परोपकार आदर्श मावि मतदान केन्द्रबाट मतदान गरेका छन् । राष्ट्रिय स्वतन्त्र पार्टीका अध्यक्ष रवि लामिछानेले काठमाडौंको क्षेत्र नम्बर ३ स्थित पानीट्यांकी मतदान केन्द्रबाट आफ्नो भोट खसाएका छन् । यसैगरि प्रमुख निर्वांचन आयुक्त दिनेशकुमार थपलियाले भक्तपुर लोकन्थलीस्थित युनिक स्कुल मतदान केन्द्रमा मतदान गरेका छन् ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…