उप्रधान एवं गृहमन्त्री रवि लामिछानेलाई भनेजस्तो सजिलो छैन निर्मला पन्तलाई न्याय दिन !

काठमाडौं । नवनियुक्त उपप्रधान एवं गृहमन्त्री रवि लामिछानेले निर्मला पन्तलाई न्याय दिन पहल गर्ने पहिलो निर्णय गरे । सपथ ग्रहणपछि सिंहदरबारमा पुगेर कार्यभार सम्हालेपछि उनले आफ्नो पहिलो निर्णयको रुपमा निर्मला पन्तलाई न्याय दिनको लागि पहल गर्ने निर्णय त परे तर, उनीलाई न्याय दिन भने त्यति सजिलो देखिदैन ।

सञ्चारक्षेत्रमा काम गर्दा निर्मला पन्तको हत्यारा पक्राउ गर्न नसकेको भन्दै सरकार र प्रहरी प्रशासनको निक्कै कडा आलोचना गरेका लामिछाने आफै गृहमन्त्रालयको नेतृत्वमा पुगेका छन् । उनले चलाउने कार्यक्रममा निर्मला पन्तबारे छुट्टा छुट्टै धेरै रिपोर्ट प्रशारण गरे ।

प्रहरी प्रशासनसँग जवाफ पनि मागे । तर, उनीहरुले दिने जवाफमा सधैं प्रतिप्रश्न गरिरहे । अव उनी जवाफ दिने ठाउँमा पुगेका छन् । निर्मलालाई न्याय दिने भन्नुको तात्पर्य हत्यारा नै पत्ता लगाउनु हो । तर, धेरै अनुसन्धान भएको यो घटनाका दोषी पत्ता लगाउन धेरै चुनौति छ ।
के हो निर्मला पन्त हत्या प्रकरण !

कञ्चनपुरमा १३ वर्षीया बालिका निर्मला पन्तको बलात्कारपछि हत्या गरिएको चार बर्षबढी भएको छ । हत्याकाण्डबारे राष्ट्रिय अन्तर्राष्टिय चर्चा भएपछि अझैसम्म सुल्झिन सकेको छैन । अनुसन्धान जारी नै रहेको बताउने बाहेक प्रहरीले कुनै उपलब्धि हात पार्न सकेको छैन । १० साउन २०७५ मा साथी रोशनी बमको घरमा होमवर्क गर्न गएकी रोशनीको नजिकैको उखुबारीमा दोस्रो दिन शव भेटिएको थियो ।

निर्मलाको बलात्कारपछि हत्या भएको मेडिकल रिपोर्टमा देखिएको थियो । प्रहरीको केन्द्रीय अनुसन्धान ब्युरो–सीआईबीले घटनाको करिब एक महिनापछि स्थानीय दिलीपसिंह विष्टलाई अभियुक्तका रुपमा सार्वजनिक गरेपनि भेजिनल स्वाबमा भेटिएको डीएनएसँग ‘म्याच’ नभएपछि उनी छुटे ।

नक्कली व्यक्तिलाई उभ्याएर वास्तविक अपराधीलाई उम्काउन खोजेको आरोप प्रहरीले खेप्नुपर्यो । अपराध अनुसन्धानमा गम्भीर लापरबाही गरेको र प्रमाण नष्ट गरेको भन्दै तत्कालीन कन्चनपुर प्रहरी प्रमुख डिल्लीराम विष्ट र इलाका प्रहरी प्रमुख बर्खास्त भए । सीआईबीले २÷२ महिनाको अन्तरमा विभिन्न टोलीहरु पठाएपनि अभियुक्त पत्ता लगाउन सकेन ।

अनुसन्धानमा प्रहरीले गल्ती नगरेको भन्दै अधिकृत र जवानलाई फेरि पुर्नबहाली गरियो । धेरै अनुसन्धान र अन्तराष्ट्रिय चर्चा पाएको यो घटनाका दोषी पत्ता लगाउन हरेक बन्ने सरकार र मन्त्रीलाई चुनौति बन्ने गरेको छ ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…