जेलबाट छुटेपछि पल शाह पहिलो पटक कार्यक्रममा, हेलिकप्टरबाट पुगे रुकुम मुसिकोट

काठमाडौं । जेलबाट छुटेपछि अभिनेता पल शाह पहिलो पटक सार्वजनिक कार्यक्रममा उपस्थित भएका छन् । दुई साताअघि कारागारबाट रिहा भएका शाहले बुधवार रुकुम मुसिकोट पुगेर त्यहाँ जारी महोत्सवमा उपस्थित भएका हुन । उनी एक वर्षभन्दा लामो समयपछि महोत्सवमा पुगेर दर्शकसँग रमाइलो गर्न पाएका हुन ।

रुकुमपश्चिममा जारी ‘रुकुम कृषि, पर्यटन, व्यापार तथा साँस्कृतिक महोत्सव’को छैटौ दिनको मुख्य आकर्षकका रुपमा पुगेका शाहलाई हेर्न फ्यान एवं दर्शकहरुको बाक्लो उपस्थिति थियो । रुकुम उनको गृह जिल्ला दाङको छिमेकी जिल्ला हो । ‘नमस्कार सबैलाई । सन्चै हुनुहुन्छ ?’ भन्दै स्टेजमा उक्लिएका उनको उपस्थितिमा दर्शकहरुले चर्को हुटिङ गरेका थिए । त्यहाँ उनले आफ्नो एक वर्षे जेल जीवनबारे अनुभव सेयर गरेका थिए ।

चाँडै म्युजिक भिडियोमार्फत अभिनयमा फर्किन लागेको उनले दर्शकलाई जानकारी गराए । उनले आफू अभिनीत फिल्म ‘म यस्तो गीत गाउँछु २’को ‘तिम्रो घरको वरिपरि’बोलको गीतमा स्टेजमा नृत्य गर्नुका साथै उक्त गीत थोरै गुनगुनाएर समेत सुनाएका थिए । उनी हेलिकोप्टरमार्फत बहिनी रोशनीसँगै रुकुम पुगेका थिए ।

आयोजकले नै उनको लागि हेलिकोप्टरको व्यवस्था गरेको थियो । उनी बुधवार नै काठमाडौं फर्किएका छन् । एक नाबालिगलाई बलात्कार गरेको आरोपमा पल शाहविरुद्ध जिल्ला अदालत नवलपरासी पूर्व र जिल्ला अदालत तनहुँमा मुद्दा चलेको थियो ।

जिल्ला अदालत नवलपरासी पूर्वले बाल यौन दुरुपयोगको आरोपमा साढे २ वर्ष कैद र पीडितलाई १० लाख क्षतिपूर्ति दिने फैसला गरेको थियो । उक्त फैसलाविरुद्ध शाहले उच्च अदालतमा पुनरावेदन दिएका थिए । जिल्ला अदालत तनहुँले भने उनलाई सफाइ दिएको थियो । उच्च अदालत पोखराले पनि सफाइ दिएसँगै उनी कारागारबाट एक साता अघि मात्रै रिहा भएका थिए ।

थप समाचार

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…

माओवादीको अभियान कार्यतालिका हेरफेर,आजदेखि कुन जिल्लामा कहिले ?

कुलमान घिसिङलाई स्पष्टीकरण सोध्ने मन्त्रिपरिषद्को निर्णय