प्रचण्ड र विप्लवको बाक्लिदो भेटवार्ता, महासचिव बन्न नेकपा माओवादी केन्द्रमा आउने चर्चा !

काठमाडौं । प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपाका महासचिव नेत्रबिक्रम चन्दवीच भेटघाट बाक्लीएको छ । कुनै समय दाहालको दबाब खेप्न नसकेर तत्कालिन माओवादी परित्याग गरेका चन्द पछिल्लो समय दाहाल नजिक हुन थालेका छन् । आइतबार समाजवादी मोर्चा नेपालको गठनपछि दाहाल–विप्लवको भेटवार्ता बढेको हो । कतिपयले विप्लव–दाहालको भेटवार्ता बढेसंगै पार्टी एकता गर्न लागेको र विप्लवलाई दाहालको उत्तराधिकारी बनाइन लागको विश्लेषण गरेका छन् ।

प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपाका महासचिव नेत्रबिक्रमचन्द वीच भेटवार्ता बाक्लीएसंगै पार्टी एकता गर्न लागेको चर्चा शुरु भएको छ । आइतबार समाजवादी मोर्चा नेपालको घोषणासंगै दशकौँ देखि चिसिएको सम्बन्ध नजिक बनेको थियो । त्यसपछि प्रचण्ड र विप्लववीच विहिबार प्रधानमन्त्री प्रचण्डको सरकारी निवास बालुवाटारमा एक्लाएक्लै भेटवार्ता भएको छ । जहाँ उनीहरुवीच बर्तमान राजनीति र पार्टी एकता बारे गहिरो छलफल भएको प्रचण्ड पुत्री गंगा दाहालले सामाजिक संजाल मार्फत जानकारी गराएकी छन् ।

कुनै समय प्रचण्डमाथि क्रान्तिलाई धोका दिएको आरोप लगाउँदै आएका विप्लवले पछिल्ला दिनहरूमा प्रचण्डको खुलेरै प्रशंसा गरिरहेका छन् । विशेषतः सरकारले घोषणा गरेको ‘जनयुद्ध दिवस’र त्यस क्रममा मारिएकाहरूको नाम शहीदको रूपमा राजपत्रमा प्रकाशित गर्ने निर्णयपछि विप्लव प्रचण्डप्रति सकरात्मक देखिएका हुन् । जसलाई नागरिकले भने सामान्य रुपमा लिएका छन् । त्यसका अलवा जनयुद्धमा १७ हजार नेपाली नागरिक मारिएको मध्य पाँच हजार जिम्मा लिने प्रचण्डको अभिब्यक्ती विरुद्ध परेको रिटमा विप्लवले प्रचण्डको प्रतिरक्षामा उत्रिने अभिब्यक्ती दिएपछि प्रचण्ड विप्लवको सम्बन्ध नजिक बनेको हो ।

राजनीतिक बृतको चर्चालाई आधार मान्ने हो भने, प्रचण्डले विप्लवलाई आफ्नो उत्तराधिकारीका रुपमा हेरेको र विप्लव समेत प्रचण्डले महासचिव पद दिए पार्टी एकता गर्न तयार रहेको बुझिएको छ । माओवादी भित्र प्रचण्डको उत्तराधिकारीको खोजी भइरहेका बेला पार्टी एकतामा विप्लवले ग्रिनसिंनल दिनुले समेत उक्त हल्लालाई पुष्टि गर्दछ । त्यसका अलवा माओवादी छिन्नभिन्न पछि कसैको भलाई नभएको भान माओवादी घटक हरुमा पर्दे जानु पनि माओवादी एकताको प्रमुख कारक हो ।

तत्कालिन समयमा १० बर्षे शशस्त्र द्धन्द्ध र ६२÷६३ को जनआन्दोलनमा सहयात्री बनेर २०६४ को चुनावमा बहुमत सहितको पार्टी बनाएका यी दुई वीच पछि पानी बारबारको स्थिति बनेको थियो । प्रचण्ड जनयूद्धको भावना विपरित राजनीतिमा लागेको भन्दै मोहन बैद्य किरणले पार्टी फुटाएपछि विप्लव बैद्यसँग जोडिएका थिए । तर, बैद्यसंग समेत टिक्न नसकेका विप्लव नेकपा गठन गर्दै आन्दोलन शुरु गरेका थिए । तत्कालिन सरकारले प्रतिवन्ध लगाएपछि भूमिगत भएका विप्लव तत्कालिन प्रधानमन्त्री केपी शर्मा ओलीको पालामा शान्तिपूर्ण राजनीतिमा आएका थिए । शान्तिपूर्ण राजनीतिमा होमिएका विप्लवले राजनीतिक स्पेस खोजीरहेका बेला प्रचण्डले उत्तराधिकारी बनाउन सिंग्नल दिएका हुन् ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…