मालदिभ्सको संसदमा भारत विरोधी राष्ट्रपति मुइज्जुको बहुमत

काठमाडौं । मालदिभ्समा ‘भारत छोड’ अभियान चलाएर चर्चामा आएका राष्ट्रपति मोहम्मद मुइज्जुको पार्टी पिपुल्स नेशनल कांग्रेस (पीएनसी)ले संसदमा भारी बहुमत हासिल गरेको छ । आइतबार ९३ सिटका लागि मतदान भएको थियो । तीमध्ये मुइज्जुको पार्टीले ६६ सिटमा जित हासिल गरेको मालदिभ्सको चुनाव आयोगले जनाएको छ ।

यसैगरी पूर्वराष्ट्रपति मोहम्मद सोलिहको पार्टी माल्दिभियन डेमोक्र्याटिक पार्टी (एमडीपी)ले १२ र स्वतन्त्र उम्मेदवारहरुले १० सिट जितेका छन् । गत वर्ष सेप्टेम्बरमा भारत निकट मानिने मोहमम्द सोलिहलाई हराएर चीन निकट मानिने मुइज्जु राष्ट्रपति बनेका थिए । तर संसदमा भने सोलिहकै मालदिभियन डेमोक्रेटिक पार्टीको बहुमत थियो ।

आइतबार स्थानीय समय अनुसार साँझ पाँच बजेसम्म करिब दुई लाख जनाले मतदानमा भाग लिएका थिए । ७२।९६ प्रतिशत मत खसेको आयोगले जनाएको छ ।

९३ सिटका लागि भएको निर्वाचनमा ३६८ जना उम्मेदवार थिए । तीमध्ये १३० उम्मेदवार स्वतन्त्र थिए । मालदिभ्सको मिडिया हाउस द एडिसनका अनुसार यो चुनाव राष्ट्रपति मुइज्जुको ६ महिने कार्यकालको परीक्षा थियो । उनी सन् २०२३ को सेप्टेम्बरमा ‘इण्डिया आउट’ अभियान चलाएर देशको राष्ट्रपति चुनिएका थिए ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…