एमाले अध्यक्ष ओलीले गगन थापामाथि किन पोखे आक्रोश ? संसदमा बोल्न नदिने धम्की !

काठमाडौं । प्रमुख प्रतिपक्ष दल नेपाली कांग्रेस र उपप्रधान एवं गृहमन्त्री रवि लामिछानेबीचको टकरावमा एमाले पनि मिसिएको छ । गृहमन्त्री लामिछानेको बचाउमा एमाले अध्यक्ष केपी शर्मा ओली नै खुलेआम लागेपछि अव एमाले र कांग्रेस भिड्ने संकेत देखिएको छ । अझ एमाले अध्यक्ष ओलीले कांग्रेसलाई संसदमै बोल्न नदिने धम्की दिएपछि सहकारी ठगी प्रकरणमा भइरहेको संसद बन्धक त्यत्तिकै खुल्ने अवस्था देखिदैन ।

नेकपा एमालेका अध्यक्ष केपी शर्मा ओलीले प्रमुख प्रतिपक्ष दल नेपाली कांग्रेसलाई संसदमा बोल्न नदिने धम्की दिएका छन् । कांग्रेसले उपप्रधान एवं गृहमन्त्री रवि लामिछानेलाई सहकारी ठगी प्रकरणमा मुछिएको भन्दै संसदमा बोल्न दिएको छैन् । संसदीय छानविन समिति बनाउनुपर्ने माग राख्दै कांग्रेसले संसद अवरुद्ध गर्दै आएको छ । तर, आफूमाथि लागेको आरोपमा बोल्न पाउ भन्दै गृहमन्त्री लामिछानेले सभामुख देवराज घिमिरेलाई नै पत्र लेखेका थिए । पत्र लेखेर पनि गृहमन्त्री लामिछानेलाई कांग्रेसले संसदको रोष्ट्रममै जान दिएको छैन् । गृहमन्त्री लामिछानेलाई बोल्न नदिएको आक्रोश कांग्रेसमाथि एमाले अध्यक्ष ओलीले बुधबार पोखेका छन् ।

अध्यक्ष ओलीले गृहमन्त्री लामिछानेले संसद बैठकमा बोल्न पाउनुपर्ने भन्दै आरोपित व्यक्तिले बोल्न र सफाइ दिन पाउनुपर्ने दाबी गरे । अवको संसद बैठकमा कांग्रेसलाई बोल्न नदिइने र पहिले गृहमन्त्री लामिछानेले नै बोल्ने यदि बोल्न नदिइए एमालेले बोल्ने चेतावनी दिएका छन् । एमालेका अध्यक्ष ओलीले नेपाली काँग्रेसका महामन्त्री गगनकुमार थापाले संसद बैठकमा उदण्डता प्रश्तुत गरेको आरोप लगाए ।

कांग्रेस महामन्त्री थापाले सभामुखमाथि अशिष्ट ढंगले प्रश्तुत भएर उदण्डता देखाएको टिप्पणी गरे । सभामुखले बोल्न समय दिँदा तपाईको निगाहाको समय चाहिँदैन भन्ने अभिव्यक्तिले उदण्डता प्रदर्शन भएको ओलीको जिकिर छ । काँग्रेस राजनीतिक अभिष्ट पूरा नभएपछि अरुलाई अपराधि करार गर्न लागेको र भ्रष्टाचारमा दोषि करार भएका काँग्रेसका सांसदले कुनै मुद्दा नभएको मानिस उपर छानविन गर्न समिति गठन गर भनि नाराबाजी गरेको भन्दै काँग्रेसलाई सरम हुनुपर्ने ओलीको तर्क छ ।

अध्यक्ष ओलीले राष्ट्रिय स्वतन्त्र पार्टीका सभापति तथा गृहमन्त्री रवि लामिछानेलाई नेपाली काँग्रेसले डेढ वर्ष प्रधानमन्त्री बन्न अफर गरेको दाबी गरे । गृहमन्त्री लामिछानेबिरुद्ध आक्रामक रुपमा प्रस्तुत भइरहेको कांग्रेसले आगामी बैठकमा गिरीबन्धु टि स्टेटको जग्गा प्रकरणका बिषयमा आवाज उठाउने बताएपछि एमाले अध्यक्ष ओली आक्रोशीत भएका हुन् । प्रधानमन्त्री ललिचो भएर संसदीय छानविन समिति बनाउन तयार भएपनि एमालेले कुनै हालतमा संसदीय छानविन बनाउन नसकिने बताइरहेको छ ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…