गृहमन्त्री लामिछानेले गरे राज्य समितिको बैठक बहिस्कार, एनजीओको पैसामा खाजा अर्डर गरेको आरोप

खोज पत्रिका आइतवार, २०८१ असार २, १४ :५२ बजे

काठमाडौं । उपप्रधान तथा गृहमन्त्री रवि लामिछानेले राज्य व्यवस्था समितिको बैठक बहिस्कार गरेका छन् । अनावश्यक तडकभडक गरिएको भन्दै गृहमन्त्री लामिछाने बैठकमा सहभागी नभई हिँडेको बताइएको छ ।

गृहमन्त्री लामिछानेलाई आज विहान साढे ७ बजे समितिले छलफलका डाकेको थियो । बोलाइएको समयमै लामिछाने बैठकस्थलमा पुगेका थिए । तर, आजको बैठकमा मंहगो मूल्यका खाजा अर्डर गरिएको थाहा पाएपछि गृहमन्त्री भड्किएको बताइएको छ ।

खाजाको प्याकेटमा चना, फलफुल, जाम–पाउरोटी, अण्डा, आलु भुजुरी आदि राखिएको थियो । समितिको बैठकमा पहिलो पटक कुनै एनजीओले खाजाको प्रायोजन गरेको थियो । उनी छलफलमा सहभागी नभई बैठक छोडेर हिँडेका थिए ।