देशबाट किन भागिन बंगलादेशकी प्रधानमन्त्री शेख हसिना, १५ वर्षे शासनमा ब्रेक

काठमाडौं । बंगलादेशमा प्रधानमन्त्री शेख हसिनाको १५ वर्षे शासनमा ब्रेक लागेको छ । हिंसाले उग्र रूप लिएपछि प्रधानमन्त्री शेख हसिनाले पदबाट राजिनमा दिएर देश छोडेकी छन् । प्रधानमन्त्रीले देश छाडेसंगै बंगलादेशका सेनापति वाकर उज–जमानले देशमा सैन्य नेतृत्वको अन्तरिम सरकार गठन हुने बताएका छन् । बंगलादेशका सेनापति वाकर उज–जमानले देशमा सैन्य नेतृत्वको अन्तरिम सरकार गठन हुने बताएका छन् ।

प्रधानमन्त्री शेख हसिनाले पदबाट राजिनमा दिएर भारतको त्रिपुरा राज्यको राजधानी अगरतला गएपछि देशवासीका नाममा सम्बोधन गर्दै उनले अन्तरिम सरकारबारे बोलेका हुन । जनरल वकरले प्रदर्शनकारीहरूलाई हिंसा रोक्न पनि आग्रह गरेका छन् । शेख हसिनालाई सत्ताबाट उखेलेर फ्याँक्न आइतबारको प्रदर्शन निर्णायक रह्यो । बंगलादेशमा आरक्षणविरुद्ध चर्किएको आन्दोलनमाथि हसिना सरकारले चरम दमन गर्दा आइतबार मात्रै देशभर ९३ जनाले ज्यान गुमाएका थिए ।

रक्तपातपूर्ण हिंसात्मक घटनाबाट ९३ जनाको ज्यान जाँदा प्रधानमन्त्री शेख हसिनले आइतबारदेखि नै देशव्यापी कर्फ्यू लगाएकी थिइन् । बंगलादेशमा विद्यार्थीले ज्यान गुमाएपछि नेपाल र भारतसहितका देशहरूले त्यहाँ रहेका आफ्ना नागरिकका लागि एडभाइजरी पनि जारी गरेका थिए । पछिल्ला केही सातादेखि बंगलादेशमा लगातार हिंसात्मक आन्दोलन चलिरहेको थियो ।

बंगलादेश निर्माणमा सहभागी स्वतन्त्रता सेनानीका सन्तानलाई सरकारी सेवामा ३० प्रतिशत आरक्षण दिने निर्णयविरुद्ध देशभर प्रदर्शन भएको थियो । सोमबार ६ जनासहित यस आन्दोलनका क्रममा मारिनेको संख्या ३०० नाघेको छ । देशभर भारी विरोध प्रदर्शन सुरु भएपछि सरकारले दमन थालेको थियो । दमन चर्किँदै गएपछि प्रदर्शनकारी विद्यार्थीहरू सोमबार प्रधानमन्त्रीको सरकारी निवासमा छिरेका थिए । त्यसपछि प्रधानमन्त्री हसिना बहिनीसहित देशबाट भागेकी हुन् ।

आरक्षण प्रणालीको विरोधमा जुलाईदेखि चलेको आन्दोलनका क्रममा पुलिस र विद्यार्थीवीच चर्को द्वन्द्व भएको थियो । प्रदर्शनमा विद्यार्थीलाई देशको मुख्य विपक्षी दल बंगलादेश नेशनलिस्ट पार्टीले समर्थन दिएको थियो । उनी आन्दोलन थेक्न नसकेर भागेसँगै बंगलादेशमा प्रधानमन्त्री शेख हसिनाको १५ वर्षे शासनमा ब्रेक लागेको छ ।

थप समाचार

राजनीतिमा आउने कुलमानको तयारी, उर्जामन्त्रीले अनावश्यक दुख दिएको आरोप

कार्यवाहक प्रधानमन्त्री सिंहले भेटे राष्ट्रपति पौडेल

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…