शिव पंगेनी उत्कृष्ट भिडियो पत्रकारिता अवार्डबाट सम्मानित

काठमाडौं । कुपन्डोलस्थित होटल हिमालयनमा आयोजित एशियन प्रोफेसनल अचिभमेन्ट अवार्ड २०२४ मा नेपालका चर्चित भिडियो पत्रकार शिव पंगेनीलाई उत्कृष्ट भिडियो पत्रकारिता (एक्सिलेन्स इन भिडियो जर्नालिजम) अवार्डबाट सम्मानित गरिएको छ ।

सिजन मिडियाको १६औं स्थापना दिवस तथा संविधान दिवस २०८१ को अवसरमा आयोजित यस कार्यक्रममा पंगेनीलाई पत्रकारितामा पुर्याएको उल्लेखनीय योगदानको कदर गर्दै सम्मान प्रदान गरिएको हो ।

असोज २ गते बुधबार साँझ सम्पन्न उक्त अवार्ड कार्यक्रममा प्रमुख अतिथि राष्ट्रिय सभाका अध्यक्ष नारायण प्रसाद दाहालले पंगेनीलाई सम्मान गरे । पंगेनीले लामो समयदेखि भिडियो पत्रकारिता क्षेत्रमा काम गर्दै आइरहेका छन् र उनले राष्ट्रिय तथा अन्तर्राष्ट्रिय तहमा सफलताका साथ पत्रकारिता गर्दै आएकोमा यस सम्मानले उनको योगदानलाई थप कदर गरेको छ ।

एशियन प्रोफेसनल अचिभमेन्ट अवार्ड २०२४ मा नेपालका अन्य प्रतिष्ठित व्यक्तित्वहरूलाई पनि विभिन्न अवार्डबाट सम्मान गरिएको थियो । ग्लोबल डिप्लोमेसि एण्ड इकोनोमिक एक्सिलेन्स अवार्डबाट डा. राजेश काजी श्रेष्ठ, आउटस्ट्याण्डिङ लिडरशीप इन बैंकिङ अवार्डबाट बैंकर सुनिल के.सी, र लिडरशीप एक्सिलेन्स इन नेफ्रोलजी एण्ड पब्लिक हेल्थ सर्भिस अवार्डबाट डा अनिल पोखरेललाई सम्मान गरिएको थियो ।

कार्यक्रममा केवल नेपाली मात्र नभई अन्य एशियाली मुलुकका व्यक्तित्वहरूलाई पनि सम्मान गरिएको थियो । चीन, भियतनाम, थाइल्याण्ड, पाकिस्तान, बंगलादेश, र भारतका व्यक्तिहरूले पनि विभिन्न क्षेत्रमा पुर्याएको योगदानका लागि अवार्ड प्राप्त गरे ।

सिजन मिडियाका प्रमुख प्रदिप राज वन्तको स्वागत मन्तव्यसहित सुरु भएको कार्यक्रम फेसन कोरियोग्राफर एवं संचारकर्मी रोजिन शाक्यले सञ्चालन गरेका थिए ।

थप समाचार

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…

माओवादीको अभियान कार्यतालिका हेरफेर,आजदेखि कुन जिल्लामा कहिले ?

कुलमान घिसिङलाई स्पष्टीकरण सोध्ने मन्त्रिपरिषद्को निर्णय