बुटवलमा छविलाई १३ घण्टामा ५७ प्रश्न सोधियो, भोलि नै पोखरा पठाइने

काठमाडौं । बुटवलस्थित सुप्रिम सहकारीको रकम दुरुपयोगको आरोपमा अनुसन्धानको लागि पोखराबाट रुपन्देही ल्याइएका पूर्वडिआईजी छविलाल बन्जाडे जोशीलाई सोमबार ५ र मंगलबार करिब ८ घण्टा लगाएर ५७ वटा प्रश्न सोधेर बयान सकिएको छ । मंगलबार अबेर बयान सकिएकाले यसअघि पोखराको सूर्यदर्शन सहकारी ठगीसम्बन्धि छानविनका लागि बुधबार पुनः पोखरा लगिने भएको छ ।

गोरखा मिडिया नेटवर्कका तत्कालीन उपाधयक्ष रहेका छविलालसँग मंगलवार दिनभर लगाएर बयान पूरा गरिएको हो । उनीसँग रुपन्देही जिल्ला सरकारी वकिल कार्यालयका प्रमुख प्रेमराज पौडेलको रोहबरमा इलाका प्रहरी कार्यालय, बुटवलका प्रमुख डीएसपी विजयराज पण्डित, अनुसन्धान अधिकृतहरू यमलाल बन्जाडेसहितका प्रहरीहरूले उनीसँग बयान लिएका हुन् ।

छविलाललाई बिहान ११ बजेदेखि बेलुका पौने ७ बजेसम्म बयान लिइएको थियो । जिल्ला प्रहरी कार्यालय, रुपन्देहीका प्रमुख एसपी रन्जितसिंह राठौरले जोशीको बयान सकिएकाले उनलाई बुधवार नै पोखरा पठाइने बताए । बयानमा छविलालले पूर्वउपप्रधान एवं गृहमन्त्री रवि लामिछानेका बारेमा समेत केही विषय बोलेको बताइएपनि सबै खुलेको छैन ।

जोशीको बयान लिइरहेको बेला जिल्ला अदालतनजिकै सहकारीपीडितहरूले योजनाबद्ध तरिकाले सहकारी ठगी गर्नेलाई कारबाहीको माग गर्दै प्रदर्शनसमेत गरेका थिए । सुप्रिम बहुउद्देश्यीय सहकारी संस्थाबाट झण्डै १४ करोड रुपैयाँ रकम गोरखा मिडिया नेटवर्कको खातामा गएको प्रहरी अनुसन्धानले देखाएको छ ।

बुटवलको सुप्रिम सहकारीबाट जोशीका नाममा २ करोड ५० लाख रुपैयाँ गएको देखिएको छ । त्यस्तै, गोर्खा मिडिया नेटवर्कका तत्कालीन प्रबन्ध निर्देशक एवं रास्वपा सभापति रवि लामिछानेका नाममा २ करोड रकम गएको अनुसन्धानमा देखिएको छ ।

थप समाचार

७ दमकल प्रयोग गरेर नियन्त्रणमा लिइयो चन्द्रागिरिमा भएको आगलागी

साँखुको सलम्बुटारस्थित आश्रयस्थलमा टिपर छिर्‍यो, तीन जनाको मृत्यु

भिट्ठामोड सुख्खा बन्दरगाह निर्माणमा सहयोग गर्ने प्रचण्डको प्रतिबद्धता

हमासलाई ट्रम्पको चेतावनी‘बन्दी रिहा नगरेमा एउटा पनि सदस्य बाँकी रहने…

माओवादीको अभियान कार्यतालिका हेरफेर,आजदेखि कुन जिल्लामा कहिले ?

कुलमान घिसिङलाई स्पष्टीकरण सोध्ने मन्त्रिपरिषद्को निर्णय